Veitingastaðurinn Latitude Bar & Grill í New York býður uppá ansi skrautlega rétti sem fylla magann og rúmlega það.
Staðurinn sérhæfir sig í ansi sérstökum kebab-réttum, þar sem mismunandi samlokur eru þræddar uppá tein til að líkjast háhýsunum í kring. Nýjasti rétturinn er ostborgara kebab þar sem ostborgarar eru þræddir uppá tein og síðan er fjögurra osta sósu hellt yfir turninn rétt áður en hann er borinn fram. Að sjálfsögðu fylgja franskar með.
Meðal annarra turna sem Latitude býður upp á samanstanda til dæmis af djúpsteiktum kjúklingi og vöfflum eða grilluðum samlokum með osti. Þá er staðurinn einnig frægur fyrir hlynsírópssósu og beikon- og hlynsírópssultu.
Það er þó rétt að taka fram að það er algjör óþarfi að panta sér turn enda býður Latitude einnig upp á samlokur og hamborgara í hefðbundinni stærð.