Granatepli er ávöxtur sem er mjög ríkur af næringarefnum og talinn mikil ofurfæða. Ávöxturinn er vinsæll um heim allan og hefur það ýmsa kosti með sér í för að borða hann.
Púnikalagin finnst í hýði og safa granateplisins og inniheldur gríðarlega mikið magn af C vítamíni. Eitt granatepli á dag getur í raun innihaldið 40% af ráðlögðum dagskammti af vítamíninu. Púnikalagin er efni sem hefur verið sagt berjast gegn krabbameini. Svo er það olían í granateplafræjunum, en hún ásamt púnikalagin hjálpar frumum líkamans að berjast gegn óvinum.
Nýlegar rannsóknir hafa sýnt fram á að safinn úr granateplum geti bætt minni fólks. Er talið að neysla granatepla geti bætt blóðflæði til litla heilans og þar af leiðandi bætt minnið.
Neysla granatepla getur haft góð áhrif á hjartað og meðal annars lækkað blóðþrýsting og spornað gegn æðakölkun.
Granatepli auka styrk kollagens í húðinni og getur þar af leiðandi spornað gegn hrukkum. Þá berjast granatepli einnig gegn sindurefni sem getur skaðað húðina.
Efnin sem finnast í granateplum berjast gegn örlífverum sem eru hættulegar líkamanum, eins og ýmsum sveppa- og bakteríusýkingum.
Neysla granatepla getur létt á sársauka í liðamótum og því hjálpað fólki með gigt. Þá hefur því einnig verið haldið fram að granatepli, sökum þess hve næringarrík þau eru, geti hjálpað til við risvandamál.
