Stórleikarinn George Clooney fer á kostum í nýrri auglýsingu fyrir Nespresso sem heitir The Quest. Í auglýsingunni leikur George riddara, en auglýsingin byrjar á því að hann tilkynnir Game of Thrones-stjörnunni Natalie Dormer, sem leikur drottningu, að hann hafi drepið dreka fyrir hana.
Með drekadrápinu bjargaði George konungsríkinu og fær að velja sér hvað sem hugurinn girnist. Riddarinn hugsar sig um, gengur síðan út úr auglýsingunni og nær sér í Nespresso-kaffi í verslun í New York.
https://www.youtube.com/watch?v=fMOtnamM1P4
Í öðru myndbandi, þar sem skyggnst er á bak við tjöldin við gerð auglýsingarinnar slá þau George og Natalie á létta strengi þegar kemur að búningunum, en Natalie er auðvitað þaulvön íburðarmiklum klæðnaði úr þáttaröðinni Game of Thrones.
„George ætlar að vera í lífstykkinu næst,“ segir Natalie í myndbandinu hér fyrir neðan og leikarinn tekur vel í þá hugmynd.
„Ó, já. Næst verð ég í lífstykki.“
https://www.youtube.com/watch?v=9PjsEA7M1a4