Ljósmyndarinn Nate „Igor“ Smith hóf hópfjármögnun síðasta haust til að gefa út bókina Dinner with Igor, þar sem hann safnaði saman myndum af vinum sínum að borða. Fjármögnunin tókst með eindæmum vel og hann endaði á því að safna miklu meiri pening en hann þurfti í bókargerðina. Hann ákvað því að safna í aðra bók sem heitir einfaldlega Food Tattoos.
Eins og nafnið gefur til kynna eru eingöngu myndir af matartengdum húðflúrum í Food Tattoos, og eru flúrin bæði girnileg og skrýtin en sum einnig ansi hræðileg.
Hér fyrir neðan er hægt að sjá nokkrar myndir úr Food Tattoos, en báðar bækurnar er hægt að kaupa á Etsy.