fbpx
Fimmtudagur 13.desember 2018
Matur

Kvöldmatur á 30 mínútum: Ofureinfaldur pastaréttur sem öll fjölskyldan dýrkar

Lilja Katrín Gunnarsdóttir
Þriðjudaginn 16. október 2018 11:30

Girnilegt pasta.

Flest viljum við komast upp með að eyða sem minnstum tíma í eldhúsinu í kvöldmatargerð í lok dags og elda eitthvað sem hentar allri fjölskyldunni. Hér er á ferð æðislegt rækjupasta sem fer örugglega vel ofan í heimilisfólkið.

Rækjupasta

Hráefni:

500 g fettucine pasta
3 msk. smjör
500 g pillaðar risarækjur
salt og pipar
2 hvítlauksgeirar, saxaðir
2 msk. hveiti
1 bolli rjómi
½ bolli nýmjólk
1 eggjarauða
1 bolli rifinn parmesan ostur
söxuð steinselja

Frábær hversdagsmatur.

Aðferð:

Sjóðið pasta samkvæmt leiðbeiningum á umbúðum en ekki hella pastavatninu strax í vaskinn. Bræðið 1 matskeið af smjöri á stórri pönnu yfir meðalhita. Bætið rækjunum saman við, kryddið með salti og pipar og eldið þar til rækjunar eru bleikar, í um 2 til 3 mínútur á hvorri hlið. Takið rækjurnar af pönnunni og setjið til hliðar.

Setjið restina af smjörinu á pönnuna ásamt hvítlauknum. Steikið hvítlaukinn í um mínútu. Bætið hveitinu út í og þeytið saman í um 2 mínútur. Hellið rjóma og mjólk saman við og hrærið síðan eggjarauðunni út í. Látið þetta malla og bætið parmesan ostinum saman við. Þegar osturinn hefur bráðnað og sósan er búin að þykkna er pasta og rækjum bætt út í og kryddað með salti og pipar eftir smekk. Ef ykkur finnst sósan ekki nógu þykk er þjóðráð að bæta smá pastavatni út í hana. Skreytið með aðeins meiri parmesan og steinselju og berið fram.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Fyrir 2 dögum

Þetta er það skítugasta á veitingastöðum: Allir snerta það – 185 þúsund bakteríur

Þetta er það skítugasta á veitingastöðum: Allir snerta það – 185 þúsund bakteríur
Matur
Fyrir 2 dögum

Jólin nálgast: Ómótstæðilegar smákökur með leynihráefni

Jólin nálgast: Ómótstæðilegar smákökur með leynihráefni