Marbella – Malaga – Torremolinos – Benalmadena – Funegirola – Estepona
Beint vikulegt flug í allt sumar með Heimsferðum
Sólarstrandlengjan Costa del Sol er tvímælalaust ein af vinsælustu áfangastöðum Íslendinga í sólarferðum, enda er strandlengjan þakin skemmtilegum smábæjum og borgum sem bjóða uppá úrval gististaða, veitingastaða og skemmtana. Héðan er örstutt að skreppa yfir til Afríku og Gíbraltar og töfrar Andalúsíu heilla alla þá sem henni kynnast.
Á Costa del Sol er frábær aðstaða fyrir ferðamanninn, einstakt loftslag og ótrúlegt úrval veitinga- og skemmtistaða. Ströndin hefur ár eftir ár verið valin hreinasta strönd Evrópu og fyrir þá sem vilja upplifa menningu, músík og fagra byggingarlist er Andalúsía sá staður Spánar sem hefur mest uppá að bjóða, enda er hér að finna sterkustu sérkenni spænskrar menningar.
Sem dæmi má nefna Bioparc Fuengirola sem er stórskemmtilegur og glæsilegur dýragarður þar sem hægt er að kynnast fjöldanum öllum af framandi og kunnuglegum dýrum.
Það er fátt meira viðeigandi í sólinni en að skella sér nokkrar salíbunur í einum af þeim fjölmörgu vatnsrennibrautargörðum Miðjarðarhafsins. Aqualand Torremolinos er einn af glæsilegustu vatnsrennibrautargörðum Spánar og auðvelt að komast þangað með lest eða strætó frá áfangastöðum Heimsferða.
Hvað er langt síðan þú fórst í alvöru Tívolí? Tivoli World er stórglæsilegur skemmtigarður með ógrynnin öll af rússíbönum og skemmtilegum tækjum sem láta mann fá hnút í magann af tilhlökkun. Girnilegir veitingastaðir og fjöldi viðburða á dagskrá á hverjum degi.
Heimsferðir bjóða farþegum sínum vinsælustu staðina við strönd Andalúsíu. Strandbæirnir Benalmádena, Fuengirola, Torremolinos og Marbella & Estepon eiga það sameiginlegt að bjóða upp á frábæra aðstöðu fyrir ferðamanninn, góða gistingu, hreinustu strendur Evrópu, glæsilegt úrval veitinga- og skemmtistaða og síðast en ekki síst einstakt andrúmsloft. Enginn hluti Spánar hefur jafn ríkt aðdráttarafl og Andalúsía, enda er hér að finna sterkustu sérkenni spænskrar menningar. Héðan er flamengó-tónlistin upprunnin, matargerðin, nautaatið og byggingarlistin. Hér finnur þú hvítu þorpin, fegurstu strendur Spánar, nokkra frægustu golfvelli Evrópu, klaustur, hallir og kastala.
Marbella er einn þekktasti lúxusdvalarstaður Evrópu, enda er hér að finna frábærar aðstæður fyrir ferðamenn. Marbella er þekkt fyrir gamla bæinn, sem er heillandi samblanda gamalla húsa, þröngra andalúsískra stræta, veitingastaða, verslana og iðandi mannlífs sem er einstakt í Evrópu. Þar er að finna hina frægu snekkjubátahöfn Puerto Banús, þar sem glæsilegustu snekkjur heimsins liggja við akkeri yfir sumartímann.
Hér finnur þú glæsilega veitingastaði, hátískubúðir, fallegar strendur, stærstu snekkjur heims og spennandi samansafn af heimsborgurum sem skapar sérstætt og heillandi andrúmsloft. Þá er Estepone-bærinn skammt frá og er þar að finna úrval glæsilegra gististaða.
Malaga – Hinn faldi gimsteinn Andalúsíu
Borgin Malaga er yndisleg og heillandi stórborg. Hún er ein elsta borg Spánar og uppfull af menningu og andrúmslofti stórborgar, en saga hennar spannar ótrúlega langt aftur í tímann. Listmálarinn Picasso fæddist í borginni og er nærveru hans að finna í hverjum krók og kima.
Borgin er róleg og örugg, en mikið er af merkum minjum, eins og rómverskt hringleikahús í gamla bænum, márískur kastali sem trónir yfir borginni og Pompidou safnið. Að auki er tólf önnur listasöfn að finna í þessari fallegu borg. Malaga er falinn gimsteinn Andalúsíu. Borgin er einnig þekkt fyrir lágt verðlag, frábærar verslanir auk þess sem þar er að finna aragrúa af gæða veitingastöðum og ekta Tapas börum.
Komdu með okkur til Andalúsíu
Pantaðu ferð á heimsferdir.is