Í Bíóhorni vikunnar kíkjum við á það vinsælasta í kvikmyndahúsum og skoðum brot úr hinni stórspennandi Escape Room, spennutrylli úr smiðju mannsins sem leikstýrði Insidious: The Last Key.

Escape Room er frumsýnd um helgina og fjallar um sex einstaklinga, sem þekkjast ekki fyrir og lenda í aðstæðum sem enginn ræður við. Eftir að þeim er boðið að taka þátt í leik sem krefst þess að flýja úr lokuðum rýmum þurfa þau á öllu sínu að halda til að sleppa út.

Einnig rennum við í gegnum eina umtöluðustu mynd verðlaunavertíðinnar, Green Book með Viggo Mortensen og Mahershala Ali í aðalhlutverkum. Sú mynd hefur hitt rakleiðis í mark hjá áhorfendum og gagnrýnendum og þykir líklegt að hún verði afar áberandi á Óskarnum næsta.

Í næstu viku kynnum við síðan glænýjan bíóleik. Í boði verða vinningar sem þú vilt alls ekki missa af!