fbpx
Lífsstíll

Pure Natura: Íslensk framleiðsla sem hefur áhrif á líðan fólks um allan heim

Kynning
Ágúst Borgþór Sverrisson
Sunnudaginn 30. september 2018 12:00

Meiri orka, bætt minni, meira þol, aukinn blóðhagur o.fl. eru aðeins örfá dæmi um það sem fólk sem hefur skrifað um vörur íslenska fyrirtækisins Pure Natura á heimasíðu þess, en fyrirtækið framleiðir íslensk bætiefni úr hreinum íslenskum hráefnum, sem seld eru út um um allan heim.

Vörur fyrirtækisins eru framleiddar úr íslenskum lambainnmat og kirtlum auk þess sem notaðar eru íslenskar jurtir í framleiðsluna. Vörulínan samanstendur í dag af fjórum vörum, en fyrirtækið vinnur nú að því í samstarfi við MATÍS, með fjármagni frá Tækniþróunarsjóði, að þróa fleiri vörur.

Vinsælasta varan: Pure Liver

„Vinsælasta varan okkar hefur verið Pure Liver, sem inniheldur lambalifur, birkiblöð, hvannafræ og fíflarót og gefur því góðan skammt af fjölmörgum vítamínum og steinefnum sem nauðsynleg eru fyrir efnaskipti og orkuframleiðslu, s.s. B-vítamín, járn og A-vítamín, sink, selen o.fl., á náttúrulegu formi sem líkaminn þekkir og kann að nýta sér. Jurtirnar eru svo bólgueyðandi, vatnslosandi og hreinsandi,“ segir Hildur Þóra, framkvæmdastjóri fyrirtækisins.

„Næstvinsælasta varan okkar er svo Pure Power en hún er orkuaukandi blanda og hentar öllum sem eru undir miklu álagi, bæði líkamlegu og andlegu. Pure Power inniheldur blöndu af lambalifur, lambahjörtum, íslenskri burnirót og lífrænum hvítlauk.“

Hugsjónin vekur athygli

Eins og fram hefur komið selur fyrirtækið nú vörur sínar um allan heim, þótt enn sé framleiðslan á smáum skala, í gegnum vefverslun sína www.purenatura.is, vefverslun Amazon í Bandaríkjunum og dreifingaraðila í Bretlandi, Bandaríkjunum og Svíþjóð.

„Það virðist vera sem hugsjón okkar og hugmyndafræði veki athygli enda markmið okkar í stóra samhenginu að bæta heiminn. Við berum virðingu fyrir skepnunni sem nýtt er í framleiðsluna og viljum fullnýta afurðir hennar betur. Með því að taka aukaafurðir sem annars yrði hent og nýta þær á þennan hátt minnkum við einnig matarsóun og aukum verðmæti íslenskra afurða á sama tíma og við bætum heilsu og vellíðan viðskiptavina okkar,“ segir Hildur Þóra.

Ný vara sem er sérsniðin er fyrir karlmenn

Sigríður Ævarsdóttir, vöruþróunarstjóri fyrirtækisins, segist vera sérlega spennt fyrir næstu vöru sem fyrirtækið mun setja á markað en sú vara verður sérsniðin fyrir karlmenn. Í dag má nálgast vörur Pure Natura á Íslandi hjá sérvöldum söluaðilum sem finna má á vefsíðu Pure Natura og í öllum helstu heilsuvöruverslunum landsins.

Sjá nánar á purenatura.is

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Lífsstíll
Fyrir 4 dögum

ET Verslun: Vinnuljós og öll ljós á bíla

ET Verslun: Vinnuljós og öll ljós á bíla
Lífsstíll
Fyrir 4 dögum

Lýsing & Hönnun er með lausnir fyrir alla

Lýsing & Hönnun er með lausnir fyrir alla
Lífsstíll
Fyrir 1 viku

Hljóðfærahúsið: Kveikir neistann hjá upprennandi tónlistarfólki

Hljóðfærahúsið: Kveikir neistann hjá upprennandi tónlistarfólki
Lífsstíll
Fyrir 1 viku

Klæðskeralistin í öndvegi: Gefðu sérsniðna jólagjöf

Klæðskeralistin í öndvegi: Gefðu sérsniðna jólagjöf
Lífsstíll
Fyrir 1 viku

Gjafakort á Humarhúsið er upplifun sem endist

Gjafakort á Humarhúsið er upplifun sem endist
Lífsstíll
Fyrir 1 viku

Klæðakot: Einfaldleiki og gæði á góðu verði

Klæðakot: Einfaldleiki og gæði á góðu verði
Lífsstíll
Fyrir 1 viku

Hágæðanudd og ógleymanleg gæsapartí

Hágæðanudd og ógleymanleg gæsapartí
Lífsstíll
Fyrir 1 viku

Inga Rós er með bás í Barnaloppunni: „Allir græða“

Inga Rós er með bás í Barnaloppunni: „Allir græða“