fbpx
Fimmtudagur 13.desember 2018
Lífsstíll

Sambahátíð í Selárdal laugardaginn 11. ágúst eftir verslunarmannahelgi: Fróðleikur, tónlist, matarkræsingar og margt fleira

Kynning
Ágúst Borgþór Sverrisson
Fimmtudaginn 9. ágúst 2018 09:18

Laugardaginn 11. ágúst verður Sambahátíðin haldin í Selárdal í Vestur-Barðastrandarsýslu. Nafn hátíðarinnar er dregið af gælunafni listamannsins Samúels Jónssonar sem lést árið 1969, en hann var ávallt kallaður Sambi.

Félag um endurreisn listasafns Samúels Jónssonar í Selárdal var stofnað vorið 1998 og fagnar því tuttugu ára afmæli sínu á þessu ári. Félagið hefur í hátt á annan áratug sinnt viðgerðum á listaverkum og byggingum Samúels. Gerhard König myndhöggvari hefur frá upphafi verið verkstjóri viðgerðanna. Sjálfboðaliðar frá hátt í 20 þjóðlöndum hafa komið að verkefninu. Nú hillir undir að hægt sé að taka hús Samúels í rekstur sem aðstöðuhús, kaffistofu, minjagripverslun og gestaíbúð fyrir lista- og fræðimenn og áhugafólk, í kjölfar velheppnaðrar söfnunar á Karolina Fund og framlaga frá Uppbyggingarsjóði Vestfjarða, Ferðamálastofu og menningarmálaráðuneytinu.

Til að fagna þessum tímamótum efnir „Sambafélagið“ til Sambahátíðar laugardaginn 11. ágúst, eða um næstu helgi, fyrstu helgina eftir verslunarmannahelgina. Þar verður fjölbreytt dagskrá í boði, föndur og leikir fyrir börn, gönguleiðsagnir, kvikmyndasýning, tónleikar Hallveigar Rúnarsdóttur, Teits Magnússonar í kirkjunni og fleiri í kirkjunni auk margra annarra atriða. Boðið verður upp á ljúffenga fiskisúpu, jarðeldað lambakjöt og kaffi og meðlæti.

Það er því sannarlega ástæða að gera sér ferð í Selárdalinn um helgina og njóta þessarar fjölbreyttu hátíðar. Hér er greinilega eitthvað við hæfi allra en ítarlega dagskrá gefur að líta hér að neðan.

Hér má einnig sjá vef safnsins en hann er í þróun

Dagskrá 20 ára afmælishátíðar Listasafns Samúels 11 – 12 ágúst:

Sambahátíð í Selárdal laugardaginn 11. ágúst

Dagskrá

12:00

Hádegisverður – kryddlegin heilgrillaður þorskur með brenndu smjöri og nýjum smákartöflum og fiskisúpa.

12:30 Hátíðin sett. Kári G. Schram kynnir dagskrána.

Gerhard König segir frá viðgerðum og vinnubúðum með Seeds.

13:00

Sólveig Ólafsdóttir segir frá hvernig var að alast upp í Selárdal.

Kristín Ólafsdóttir segir frá gönguleiðum í Selárdal og leiðir göngu um nágrennið. Fólk er beðið að hafa með sér gönguskó eða stígvél.

14:00

Fjóla Eðvarðsdóttir sér um föndurhorn þar sem litlar styttur verða málaðar.

Smiðja fyrir börn í umsjón Gerhards König.

15:00

Smábátakeppni

16:00

Kaffi með vöfflum og kleinum.

Pétur Bjarnason leikur á harmónikku.

17:00

Kvikmyndin Steyptir draumar sýnd í kirkju Samúels.

Kári G. Schram segir frá myndinni.

Ólafur Engilbertsson segir frá stofnun Félags um listasafn Samúels.

18:30

Kvöldverður – Kolagrafið lambalæri með rótargrænmeti.

20:00

Tónleikar í kirkjunni

Hallveig Rúnarsdóttir sópransöngkona flytur nokkrar söngperlur við undirleik.

Teitur Magnússon og hljómsveit.

22:30

Brenna í fjörunni.

Brekkusöngur. 20 kínverskum luktum sleppt.

Aðgangseyrir 2.500 kr. á svæðið en 6.000 með mat. Frítt fyrir börn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Lífsstíll
Fyrir 3 dögum

Sögufélag gefur út fimm vegleg sagnfræðirit: Fjölbreytt lesefni fyrir fróðleiksfúsa

Sögufélag gefur út fimm vegleg sagnfræðirit: Fjölbreytt lesefni fyrir fróðleiksfúsa
Lífsstíll
Fyrir 4 dögum

Sumac: Notaleg og suðræn stemning á aðventunni

Sumac: Notaleg og suðræn stemning á aðventunni
Lífsstíll
Fyrir 5 dögum

Tónskóli Sigursveins: Glæsileg tónleikadagskrá

Tónskóli Sigursveins: Glæsileg tónleikadagskrá
Lífsstíll
Fyrir 5 dögum

Ungbarnasund og „old boys“ líkamsrækt

Ungbarnasund og „old boys“ líkamsrækt
Lífsstíll
Fyrir 6 dögum

Globber-hlaupahjólin eru jólagjöfin í ár – Fengu gullverðlaun í Þýskalandi

Globber-hlaupahjólin eru jólagjöfin í ár – Fengu gullverðlaun í Þýskalandi
Lífsstíll
Fyrir 6 dögum

Taflfélag Reykjavíkur: Holl æfing fyrir hugann

Taflfélag Reykjavíkur: Holl æfing fyrir hugann
Lífsstíll
Fyrir 1 viku

BRIMBORG MEÐ ÞRJÁ BÍLA TILNEFNDA TIL BÍLS ÁRSINS 2019

BRIMBORG MEÐ ÞRJÁ BÍLA TILNEFNDA TIL BÍLS ÁRSINS 2019
Lífsstíll
Fyrir 1 viku

Jólabók í skóinn

Jólabók í skóinn