Lífsstíll

Langaholt: Heimilislegt gistihús – ljúffengur matur

Kynning
Ágúst Borgþór Sverrisson
Sunnudaginn 8. júlí 2018 11:00

Langaholt er fjölskyldufyrirtæki í landi Ytri Garða á sunnanverðu Snæfellsnesi og húsráðendur eru Rúna Björg og Keli Vert. Áhersla er lögð á heimilislegan anda á Langaholti og þar er notalegt að gista og snæða.

Fjörutíu herbergi eru í Langaholti og svefnpláss fyrir yfir 80 manns. Að sögn Kela er mikill meirihluti gesta erlendir ferðamenn. „Þetta er þannig staður að við erum í erlendu túristunum og þeir eru hryggjarstykkið í öllu hér. En það er bæði áhugavert og í raun skylda fyrir Íslendinga að ferðast um Snæfellsnesið og kynnast því. Ef þú ert að koma hingað úr höfuðborginni þá geturðu gert margt og mikið á einum degi og komið heim aftur að kvöldi. Slíkt ferðalag getur gert þann dag stóran og upplífgandi og svo er ekki úr vegi að fá sér að borða í leiðinni.“

Langaholt liggur töluvert sunnar en hin þekktu sjávarþorp sem eru á Snæfellsnesi, Ólafsvík, Hellissandur og Stykkishólmur, og tekur hámark tvær klukkustundir að aka þangað frá höfuðborgarsvæðinu.

w

Gera gott úr því sem í grenndinni er

Veitingastaðurinn að Langaholti er öllum opinn, jafnt þeim sem gista og þeim sem eiga leið um svæðið. Er hann opinn frá morgni til kvölds. Morgunverður er framreiddur frá 7 til 10 og segir Keli að auk hótelgestanna séu margir af tjaldsvæðinu í grenndinni sem nýti sér það.

„Frá hádegi og fram eftir degi er þetta síðan heldur einfaldari matseðill sem er í gangi, það er súpa og á þessum tíma selst líka mikið af plokkfiski. Frá klukkan sex til níu á kvöldin er síðan stór matseðill í gildi,“ segir Keli.

En hvað einkennir matseldina á Langaholti?

„Staðbundið er lykilorð hér. Og svo er þetta fyrst og fremst fiskiveitingastaður. Hér bjóðum við upp á það sem kemur úr hafinu á Snæfellsnesi. Við kaupum sjávarfang ferskt af fiskmörkuðum, bláskelin kemur úr Breiðafirði frá manni sem ræktar hana þar, og hér er ekkert af fiski sett í frost, allt hráefni er ferskt.

Þetta er líka mikið fullvinnslueldhús, við marínerum allt meira og minna sjálf, gerum allar sultur og kæfu sjálf, allan bakstur önnumst við. Og við tökum skepnuna með hausi og hala og nýtum allt sem við mögulega getum af henni. Hér gildir að gera sér að góðu það sem í grenndinni er og gera gott úr því.“

Ljóst er að Langaholt er kjörinn áningarstaður fyrir þá sem eiga leið um Snæfellsnes, hvort sem er til að njóta náttúrunnar þar í kring, snæða mat úr héraði á góðum veitingastað eða gista við notalegar og heimilislegar aðstæður.

„Á svona stórum gististað eru alltaf einhver pláss laus,“ segir Keli. Langaholt er á öllum helstu bókunarsíðum en það er líka hægt að hringja í síma 435 6789, kanna hvað er laust og bóka herbergi.

Sjá nánar á vefsíðunni langaholt.is.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Dauði Denise
Lífsstíll
Fyrir 6 dögum

Landbúnaðarsafn Íslands og Ullarselið: Einstök innsýn í landbúnaðarsöguna og hágæða handverk úr héraði

Landbúnaðarsafn Íslands og Ullarselið: Einstök innsýn í landbúnaðarsöguna og hágæða handverk úr héraði
Lífsstíll
Fyrir 6 dögum

Laxárbakki: Heillandi hvíldarstaður við hringveginn

Laxárbakki: Heillandi hvíldarstaður við hringveginn
Lífsstíll
Fyrir 1 viku

Burro: Suðrænn sælureitur

Burro: Suðrænn sælureitur
Lífsstíll
Fyrir 1 viku

Kaffihúsið Gilbakki á Hellissandi: Staðurinn til að tékka á á leið um Snæfellsnes

Kaffihúsið Gilbakki á Hellissandi: Staðurinn til að tékka á á leið um Snæfellsnes
Lífsstíll
Fyrir 2 vikum

Helga býður upp á heimagerðan mat og grillmat á tveimur stöðum á Snæfellsnesi

Helga býður upp á heimagerðan mat og grillmat á tveimur stöðum á Snæfellsnesi
Lífsstíll
Fyrir 2 vikum

Narfeyrarstofa: Framúrskarandi matur í fallegu umhverfi

Narfeyrarstofa: Framúrskarandi matur í fallegu umhverfi
Lífsstíll
Fyrir 2 vikum

Krydd er í hjarta Hafnarfjarðar: Humarsalat, grís í kleinuhring og fleiri snilldarverk

Krydd er í hjarta Hafnarfjarðar: Humarsalat, grís í kleinuhring og fleiri snilldarverk
Lífsstíll
Fyrir 2 vikum

Volcano Trail Run: Þórsmerkurævintýri hlauparans

Volcano Trail Run: Þórsmerkurævintýri hlauparans