Lífsstíll

Narfeyrarstofa: Framúrskarandi matur í fallegu umhverfi

Kynning
Ágúst Borgþór Sverrisson
Laugardaginn 7. júlí 2018 14:00

„Markmið okkar er að vera lókal í öllu sem við gerum. Allur fiskur kemur úr firðinum og allt lambakjöt sem við notum kemur frá bænum Helgafelli, við tökum 200 skrokka frá þeim í heimtöku, vinnum allt kjöt frá grunni og nýtum allt af lambinu. Nautakjötið kaupum við frá ýmsum nálægum stöðum, við látum slátra fyrir okkur, tökum heim, úrbeinum og gerum úr því hamborgara,“ segir Sæþór H. Þorbergsson, bryti á Narfeyrarstofu í Stykkishólmi. Sæþór og eiginkona hans, Steinunn Helgadóttir, eru eigendur staðarins.

Narfeyrarstofa er gróinn staður þar sem sífelld þróun og nýsköpun á sér stað í matargerð. „Við höfum átt þetta síðan 2001 og erum enn á sömu kennitölunni, geri aðrir betur,“ segir Sæþór. Aukinn ferðamannastraumur til landsins síðustu ár hefur haft sín áhrif á gestasamsetninguna: „Hér eru erlendir túristar í miklum meirihluta en við erum líka með töluvert af innlendum fastakúnnum og það er ekki bara fólk sem býr hér í nágrenninu heldur líka aðkomufólk.“

Narfeyrarstofa hefur blómstrað hin síðari ár og er opið á staðnum allan ársins hring. „Síðasta vetur var opið alla daga vikunnar, ég hef aldrei séð annað eins. Það er líka mikið gistipláss hér í Stykkishólmi, samtals 900 rúm í gistirými á gistihúsum, hótelum og í Airbnb-gistingu.“

Í sumar er opið frá 11:30 til 22 alla daga vikunnar og er heitur matur í boði á öllum tímum dagsins. Að sögn Sæþórs sækja erlendir ferðamenn mikið í sjávarfangið enda mikið úrval af spriklandi ferskum fiski í boði og afar ljúffengum og hugvitsamlegum sjávarréttum. „Hér er alltaf fiskur dagsins í boði, í dag er það hlýri og á morgun verður það langa. Síðan er það það þorskur, bláskel, hörpuskel og margt fleira.“

Lambakjötið er líka vinsælt og mjög fjölbreyttir réttir í boði af fersku lambakjöti sem er fullunnið á staðnum: „Við erum alltaf með steik dagsins sem er breytileg eftir atvikum, það getur verið hryggur, læri, innanlæri, skanki eða lund; síðan er alltaf gúllassúpa í boði og sérstakar lambapylsur sem við framleiðum eru á hádegismatseðlinum.“

Ódýr og hollur matur fyrir börnin

Narfeyrarstofa er fjölskylduvænn veitingastaður sem gerir hann að áhugaverðum kosti fyrir fjölskyldur á faraldsæti. „Við erum með sérstakan barnamatseðil með þremur réttum þar sem enginn réttur kostar meira en 1.250 kr. og ódýrasti rétturinn er á 850 kr. Þetta er allt ferskur og góður matur, fiskréttur, kjötbollur sem við vinnum hér sjálf og hamborgari. Engir kjúklinganaggar eða eitthvert drasl. Við bjóðum börnum upp á ferskan og hollan mat á vægu verði.“

Þess má geta að í júní síðastliðnum útskrifaði Narfeyrarstofa sinn fyrsta matreiðslunema, Þorberg Helga Sæþórsson, sem er sonur þeirra hjóna.

Narfeyrarstofa er til húsa að Aðalgötu 3, Stykkishólmi. Símanúmer er 533 1119. Nánari upplýsingar á vefsíðunni narfeyrarstofa.is.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Lífsstíll
Í gær

Thai Nuddstofan: Aldagamlar aðferðir, ótrúleg virkni

Thai Nuddstofan: Aldagamlar aðferðir, ótrúleg virkni
Lífsstíll
Í gær

Visitor: Draumajólagjöfin er ferð á enska boltann!

Visitor: Draumajólagjöfin er ferð á enska boltann!
Lífsstíll
Fyrir 2 dögum

ATV Reykjavík: Stórskemmtilegar fjórhjólaferðir fyrir alla fjölskylduna

ATV Reykjavík: Stórskemmtilegar fjórhjólaferðir fyrir alla fjölskylduna
Lífsstíll
Fyrir 2 dögum

Það er alltaf gott að koma í Kærleikssetrið

Það er alltaf gott að koma í Kærleikssetrið
Lífsstíll
Fyrir 3 dögum

Samfélagsleikhús sem talar til ungmenna

Samfélagsleikhús sem talar til ungmenna
Lífsstíll
Fyrir 3 dögum

Gunnars majones í vitund þjóðarinnar

Gunnars majones í vitund þjóðarinnar
Lífsstíll
Fyrir 4 dögum

Kynning: Hótel Laki – Öðruvísi gjafabréf

Kynning: Hótel Laki – Öðruvísi gjafabréf
Lífsstíll
Fyrir 4 dögum
Opnunarhátíð Veltis
Lífsstíll
Fyrir 5 dögum

UniqueArt.is: Einstök listaverk sem þú býrð til sjálfur

UniqueArt.is: Einstök listaverk sem þú býrð til sjálfur
Lífsstíll
Fyrir 6 dögum

Ný kynslóð af Philips-sjónvörpum – OLED+ – Gott fyrir augun og eyrun

Ný kynslóð af Philips-sjónvörpum – OLED+ – Gott fyrir augun og eyrun