Lífsstíll

Skúlagarður: Gisting og veitingar í nálægð við ægifagrar náttúruperlur

Kynning
Ágúst Borgþór Sverrisson
Sunnudaginn 29. júlí 2018 11:00

Gistihúsið Skúlagarður er staðsett í Kelduhverfi, við þjóðveginn, um 45 km frá Húsavík. Í næsta nágrenni eru nokkrar af helstu náttúruperlum landsins, Dettifoss, Vatnajökulsþjóðgarður, Ásbyrgi og Hljóðaklettar – náttúruperlur sem eru þessu virði að verja góðum tíma í að upplifa og njóta. Vinsælar gönguleiðir á svæðinu geta tekið marga daga að fara þó að sumir kjósi styttri göngu.

„Það eru skipulagðar gönguferðir á vegum þjóðgarðsins en svo er líka hægt að notast við kort hér og ganga á eigin vegum,“ segir Helga Sturludóttir í Skúlagarði en hún nýtur þess að starfa í þessu ægifagra umhverfi og eiga samskipti við ferðamenn frá öllum heimshornum.

Skúlagarður er afar heppilegur gististaður fyrir þá sem vilja taka sér tíma til að njóta þeirrar stórkostlegu og fjölskrúðugu náttúrufegurðar sem þetta svæði býður upp á. Gistihúsið er opið frá 1. maí til 31. október. Sautján tveggja manna herbergi eru í gistihúsinu og tekur það því 34 gesti í einu. Einnig er hægt að bæta við aukarúmi fyrir börn í sumum herbergjunum.

„Við lokum yfir veturinn vegna þess að enn sem komið er kallar markaðurinn bara eftir þessum tíma. Við erum öll að bíða eftir nýja Dettifossveginum, þá verður þetta einn hringur þar sem hægt verður að keyra frá Mývatnssveit hingað niður í Kelduhverfi framhjá Dettifossi og í gegnum þjóðgarðinn og svo um Tjörnes til Húsavíkur,“ segir Helga.

Meirihluti gesta í Skúlagarði eru erlendir ferðamenn sem gjarnan bóka í hópum á bókunarsíðum á netinu. Skúlagarður er þó engu síður heppilegur gistikostur fyrir Íslendinga sem vilja njóta þess besta sem íslensk náttúra býður upp á.

Skúlagarður býður einnig upp á góða fundaraðstöðu með skjávarpa sem margskonar hópar nýta sér. Ennfremur er góð veisluaðstaða á staðnum sem mörg fyrirtæki nýta sér fyrir starfsmannaskemmtanir, hvataferðir og árshátíðir.

Frábær matur úr héraði

Veitingastaðurinn í Skúlagarði er öllum opinn og kjörið fyrir þá sem eiga leið um svæðið að stoppa þar í mat eða kaffi og eiga góða stund. Morgunverður fylgir gistingu og í hádeginu eru það mest ferðahópar sem fylla matsalinn. Síðdegis er gott að stoppa í kaffibolla og vöfflu eða kökusneið. Eldhúsið er síðan opnað aftur kl. 18 og er opið til 21. Lögð er áhersla á ferskt hráefni úr héraðinu, til dæmis lambakjöt, bleikju og grænmeti.

Hægt er að bóka á booking.com og gistihúsið Skúlagarður er einnig á síðunni Hey Iceland og er með Facebook síðu undir nafninu Gistihúsið Skúlagarður. Einnig er hægt að bóka í gegnum netfangið skulagardur@hotmail.com.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Lífsstíll
Fyrir 1 viku

EM Sendir: Persónulega og hjálpsama sendibílaþjónustan

EM Sendir: Persónulega og hjálpsama sendibílaþjónustan
Lífsstíll
Fyrir 1 viku

Sælandsgarðar: Núna er tíminn fyrir hellulögn en trjáklippingar og trjáfellingar eru handan við hornið

Sælandsgarðar: Núna er tíminn fyrir hellulögn en trjáklippingar og trjáfellingar eru handan við hornið
Lífsstíll
Fyrir 1 viku

Einstök upplifun í bátsferðum um eyjarnar

Viking Tours Vestmannaeyjum

Einstök upplifun í bátsferðum um eyjarnar
Lífsstíll
Fyrir 2 vikum

Höldum sambandinu órofnu – Veitur hvetja fólk í jarðframkvæmdum að afla sér upplýsinga áður

Höldum sambandinu órofnu – Veitur hvetja fólk í jarðframkvæmdum að afla sér upplýsinga áður
Lífsstíll
Fyrir 2 vikum

Skyrgerðin Hveragerði: Kolagrillaður eðalmatur í sögulegu og hlýlegu umhverfi

Skyrgerðin Hveragerði: Kolagrillaður eðalmatur í sögulegu og hlýlegu umhverfi
Lífsstíll
Fyrir 2 vikum

Krydd er í hjarta Hafnarfjarðar: Humarsalat, grís í kleinuhring og fleiri snilldarverk

Krydd er í hjarta Hafnarfjarðar: Humarsalat, grís í kleinuhring og fleiri snilldarverk
Lífsstíll
Fyrir 2 vikum

Lífrænn grænmetis- og ávaxtakassi: Frábær kostur fyrir einstaklinga, fyrirtæki og fjáröflun

Lífrænn grænmetis- og ávaxtakassi: Frábær kostur fyrir einstaklinga, fyrirtæki og fjáröflun
Lífsstíll
Fyrir 3 vikum

Cafe Dunhagi: Gæðastund í húsi minninganna

Cafe Dunhagi: Gæðastund í húsi minninganna
Lífsstíll
Fyrir 3 vikum

Malarhorn er kjörinn áningarstaður: Veitingar, gisting, sigling og fuglaskoðun

Malarhorn er kjörinn áningarstaður: Veitingar, gisting, sigling og fuglaskoðun