Bændur í bænum er bændamarkaður á Grensásvegi 10, rekinn af bændunum á Akri í Laugarási. Markaðurinn býður aðeins upp á lífrænar og sjálfbærar vörur og leitar uppi það besta sem í boði er hér á íslandi, ásamt því að flytja inn frá fyrirtækjum sem sérhæfa sig í lífrænum afurðum.

Eitt vinsælasta tilboð markaðarins eru áskriftarkassar, sem afgreiddir eru vikulega út um allt land. Með þeim hafa viðskiptavinir aðgang að úrvals ferskvöru, sem breytist eftir framboði og árstíðum. Kassarnir eru afgreiddir í samstarfi við Olís á höfuðborgarsvæðinu og Selfossi, með Flytjanda út á land eða í versluninni við Grensásveg.

Nýlega hófu Bændur í bænum samstarf við íþróttafélag til að auka framboð þeirra í fjáröflun sinni. Hugmyndin var að geta boðið upp á hollan kost til þeirra sem vildu styrkja félagið. Býður nú félagið upp á blandaðan ávaxta- og grænmetiskassa og hafa viðtökurnar verið framúrskarandi. Keyrt er heim að dyrum.

Hægt er að fá kassana í mismunandi stærðum og breytast þeir vikulega.

Besta leiðin til að kynna sér úrvalið er að koma í verslunina að Grensásvegi 10 en hún er opin virka daga frá kl. 11.00 til 18.15. Eða skoða netverslunina á slóðinni: baenduribaenum.is