fbpx
Lífsstíll

Cafe Dunhagi: Gæðastund í húsi minninganna

Kynning
Ágúst Borgþór Sverrisson
Sunnudaginn 22. júlí 2018 14:00

„Þetta var byggt árið 1931, upphaflega til að hýsa krakka sem komu til að keppa á sundmótum en sundlaugin hérna var um tíma sú eina á svæðinu. Þetta þótti vera geysilega mikil framkvæmd á sínum tíma. Stórstúkan tók síðan við hér og þetta var kallað Stúkuhúsið. Árið 1970 var því síðan breytt í samkomuhús, byggt var mikið svið fyrir hljómsveitir og lagt dansgólf. Sagt var að dansinn dunaði í Dunhaga,“ segir Dagný Alda Steinsdóttir, eigandi veitingastaðarins Cafe Dunhagi sem er í sögufrægu húsi á Sveinseyri, rétt utan við þorpið á Tálknafirði.

Dagný opnaði veitingastaðinn árið 2012 en hún hefur endurnýjað húsið mikið og er nú að endurbyggja salinn á efri hæðinni í upprunalegri mynd og útbúa þar aðstöðu fyrir fundi og veislur. Nátthagi er opinn frá kl. 14 til 22 alla daga vikunnar og þar er lögð sérstök áhersla á ferskt hráefni úr héraðinu:

„Við erum hérna með Tungusilunginn, afurð úr sjálfbærri silungsrækt. Lambakjötið er úr héraðinu og fólk kann vel að meta að lambið fær að rölta um mosann hérna allt í kring. Svo leggjum við mikið upp úr fjörugróðri, þurrkum og djúpsteikjum beltisþara, tínum hundasúrur og rabarbaratertan hérna er vinsæl en hér eru rabarbaragarðar úti um allt,“ segir Dagný.

Að sögn Dagnýjar er Dunhagi mjög heppilegur áningarstaður þar sem hann liggur mitt á milli náttúruperlnanna Dynjanda í norðri og Látrabjargs í suðri. „Það er líka mjög skjólsælt hérna og stór og mikill skógur beint fyrir ofan. Þá er tjaldstæðið hérna líka framúrskarandi,“ segir Dagný.

Fyrir utan að fá dásamlegan mat þá er líka fínt að stoppa á Dunhaga fyrir bjór, kaffi og aðra létta hressingu. Veitingasalirnir inni í húsinu taka um 50 manns og auk þess er nýr og fínn pallur úti til að sitja á þegar vel viðrar.

„Fuglavarpið er beint fyrir framan okkur hérna á pallinum. Hér eru um 2.000 æðarkollur og kríuvarp og hettumávar. Þetta eru hátt í 40 fuglategundir og það er ekki síst fuglaáhugafólk sem sækir hingað,“ segir Dagný.

En fyrir suma er það húsið sjálft, Dunhagi, sem hefur mesta aðdráttaraflið. „Þetta hús tekur ákaflega vel á móti manni. Gólfið dúar undan fótunum og loftið angar af minningum. Hér urðu mörg hjónabönd til á dansleikjunum. Hingað koma margir til að rifja upp gamlar minningar og ég hef gert mér far um skrásetja söguna í myndum sem prýða veggina.“

Sjá nánar á Facebook-síðunni Cafe / Restaurant Dunhagi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Lífsstíll
Fyrir 5 dögum

Hljóðfærahúsið: Kveikir neistann hjá upprennandi tónlistarfólki

Hljóðfærahúsið: Kveikir neistann hjá upprennandi tónlistarfólki
Lífsstíll
Fyrir 5 dögum

Klæðskeralistin í öndvegi: Gefðu sérsniðna jólagjöf

Klæðskeralistin í öndvegi: Gefðu sérsniðna jólagjöf
Lífsstíll
Fyrir 1 viku

Klæðakot: Einfaldleiki og gæði á góðu verði

Klæðakot: Einfaldleiki og gæði á góðu verði
Lífsstíll
Fyrir 1 viku

Húðin Skin Clinic: Heilbrigðari húð og aukin vellíðan í jólagjöf

Húðin Skin Clinic: Heilbrigðari húð og aukin vellíðan í jólagjöf
Lífsstíll
Fyrir 1 viku

Náttúruafurðir nýttar í andlitskrem

Náttúruafurðir nýttar í andlitskrem
Lífsstíll
Fyrir 1 viku

Hágæðanudd og ógleymanleg gæsapartí

Hágæðanudd og ógleymanleg gæsapartí
Lífsstíll
Fyrir 1 viku

Gjafabréf í vellíðan og dekur er jólagjöf sem gleður

Abaco Heilsulind, Hrísalundi 1, Akureyri

Gjafabréf í vellíðan og dekur er jólagjöf sem gleður
Lífsstíll
Fyrir 1 viku

Ferskur blær og lystaukandi humar í Rauða húsinu

Ferskur blær og lystaukandi humar í Rauða húsinu
Lífsstíll
Fyrir 1 viku

Hótel Laugarbakki: Ógleymanleg villibráðarhlaðborð og jólahlaðborð

Hótel Laugarbakki: Ógleymanleg villibráðarhlaðborð og jólahlaðborð