Silbene Dias er frá Brasilíu en hefur búið á Íslandi í 14 ár. Hún hefur starfað ötullega í veitingageiranum hér og var meðal annars yfirkokkur á 1919 Restaurant Radison Blue auk þess að reka um tíma veitingastaðinn Brasilíu við Skólavörðustíg. Enn fremur var Silbene yfirkokkur á Silica Hotel hjá Bláa lóninu. Fyrir nokkrum mánuðum tók Silbene við rekstri veitingastaðarins A. Hansen í Hafnarfirði. Þar er hún að gera áhugaverðar breytingar auk þess að halda í það góða sem staðurinn hefur boðið upp á.
„Þetta er yfir 100 ára gamalt hús og mikilvægt að viðhalda upprunalegu útliti þess. En við höfum endurnýjað salernin og breytt barnum á efri hæðinni. Við höfum breytt barnum á efri hæðinni og almennt gert umhverfið huggulegra,“ segir Silbene.
Framúrskarandi hlaðborð á aðeins 1.700 krónur
A. Hansen er til húsa að Vesturgötu 4 í Hafnarfirði, í hjarta þessa fallega miðbæjar, og húsið fellur afar vel inn í umhverfið. Staðurinn er opnaður kl. 12 virka daga með hádegishlaðborði sem stendur til 14. Hlaðborðið er ríkulegt og fjölbreytt: „Við erum alltaf með fimm kjötrétti og einn fiskrétt. Bjóðum meðal annars upp á lambakótelettur, hrossafillet og nautkjöt. Síðan eru það kartöflur, grænmeti og pastaréttir,“ segir Silbene, en þetta girnilega hlaðborð er á afar vingjarnlegu verði, aðeins 1.700 kr.
Steikarkvöld sem ekki gleymast
Staðnum er síðan lokað kl. 14 á daginn og hann opnaður aftur kl. 18 og er opið til 22. Hann er jafnframt opinn um helgar á þeim tíma. Mikil fjölbreytni einkennir kvöldverðarseðilinn en segja má að steik sé gegnumgangandi þema. Ein helsta sérstaða staðarins er hinn magnaði kjötréttur Spethús Churrasco sem inniheldur sex tegundir af kjöti: lambafillet, hrossafillet, rifjasteik, kjúkling, svínakjöt og fína pylsu. Kjötið er grillað og kryddað með kryddi sem gefa því sérstaklega gott bragð.
Nautasteik, grillaður kjúklingur, hrossasteik, steiktur þorskur og svínarif eru einnig vinsælir réttir á kvöldseðlinum. Verðið er hagstætt á þessum krásum eins og nánar má sjá á matseðlinum á vefsíðunni ahansen.is.
Léttari réttir eru líka mjög áhugaverðir, til dæmis heimagerður Hansen-borgari, humarsamloka, grilluð nautasamloka og margt fleira.
Að sögn Silbene er gestahópurinn á A. Hansen fjölbreyttur en erlendir ferðamenn sækja staðinn í bland við Íslendinga. Silbene telur þó að heimafólk í Hafnarfirði sé í meirihluta.
Sjá nánar á vefsíðunni ahansen.is og Facebook-síðunni A.Hansen.
