Lífsstíll

Veitingastaðurinn Báran og Þórshöfn Kayak: Fyrir góðar stundir á Norðausturlandi

Kynning
Ágúst Borgþór Sverrisson
Miðvikudaginn 27. júní 2018 08:00

Báran er eini veitingastaðurinn á Þórshöfn og einn allra helsti veitingastaðurinn á stórum hluta Norðausturlands. Á sama stað er rekið fyrirtækið Þórshöfn Kayak sem býður upp á kayakleigu og kayakferðir um nágrenni Þórshafnar og Langaness.

Maðurinn á bak við þetta skemmtilega framtak er af erlendu bergi brotinn, Nikola Zdenko Peros heitir hann og er fæddur í New York, hann er bandarískur í móðurættina og króatískur í föðurættina. Nik, eins og hann er oftast kallaður, kom fyrst til Íslands árið 1992 sem skiptinemi í Stykkishólmi og stofnaði þá til tengsla við Íslendinga sem ekki hafa rofnað síðan.

Nik hefur starfað mikið að málefnum skiptinema og komið þeim í kynni við Ísland. Sú viðleitni leiddi til þess að hann festi rætur á Þórshöfn og opnaði veitingastaðinn Báruna.

Báran er staðsett við Eyrarveg 3 á Þórshöfn. Hún er í senn notalegt kaffihús og hinn fullkomni staður fyrir góða máltíð. Mikil áhersla er lögð á að notast við ferskt hráefni úr héraði og er meðal annars boðið uppá lambakjöt, nautakjöt og fisk úr nágrenninu. Ævintýragjarnir matargestir geta prófað hvalkjöt og lunda. Boðið er upp á handgerða hamborgara og pitsur bakaðar í eldofni.

Báran er opnuð kl. 8 á morgnana og þá er tilvalið að kíkja í morgunmat. Það eru líka allir velkomnir í hádegismat, gott er að tylla sér inn á Báruna í eftirmiðdaginn til að fá sér kaffi og kökur, og kvöldverðurinn svíkur engan.

Staðurinn er staðsettur við höfnina og má fylgjast með hafnarlífinu úr matsalnum. Ef veður leyfir er hægt að sitja úti á verönd. Á kvöldin er barinn opinn og oft er lifandi tónlist eða aðrar skemmtilegar uppákomur.

Kayakferðirnar og Kayakleiga eru í boði í allt sumar og alveg út september. Allur nauðsynlegur öryggisbúnaður er útvegaður og blautbúningur er innifalinn í verði ferðarinnar. Siglt er að sveitabænum Sætúni og aftur til baka. Fjölbreytt fugla- og dýralíf Norðausturlands ber fyrir augu í ferðinni og möguleiki er á því að sjá seli.

Upplýsingar og pantanir í þessar ferðir eru á vefsíðunni baran.is og þar eru einnig allar upplýsingar um veitingastaðinn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Lífsstíll
Fyrir 3 dögum

Kynning: Hótel Laki – Öðruvísi gjafabréf

Kynning: Hótel Laki – Öðruvísi gjafabréf
Lífsstíll
Fyrir 3 dögum

Opnunarhátíð Veltis

Opnunarhátíð Veltis
Lífsstíll
Fyrir 5 dögum

Kyon Apparel: Glæsilegur götufatnaður

Kyon Apparel: Glæsilegur götufatnaður
Lífsstíll
Fyrir 6 dögum

Siðferði og umhverfisvernd í fyrirrúmi  

Siðferði og umhverfisvernd í fyrirrúmi  
Lífsstíll
Fyrir 1 viku

Ljósboginn er rótgróið fyrirtæki sem starfað hefur í rúmlega 60 ár

Ljósboginn er rótgróið fyrirtæki sem starfað hefur í rúmlega 60 ár
Lífsstíll
Fyrir 1 viku

Kvikkfix: Viatti-dekkin eru bylting í vetrardekkjum

Kvikkfix: Viatti-dekkin eru bylting í vetrardekkjum