Brekkukot er sannkallaður sælureitur í sveit, gististaður með mikla sérstöðu. Húsið er staðsett skammt frá þjóðvegi eitt, í Akrahreppi í Skagafirði. Stórkostlegt útsýni er yfir nálægar sveitir, fjöll, Drangey og söguslóðir í héraðinu.
Brekkukot er heimili Auðar Herdísar Sigurðardóttur og leigist út í heild sinni. Hefur hún hugsað þennan kost sem eins konar heimili að heiman, athvarf fyrir fólk til að komast burtu, dvelja í kyrrð og náttúrufegurð, en við mjög heimilislegar aðstæður.
Þetta er fullbúið og afar smekklegt 133 fermetra einbýlishús með þremur svefnherbergjum. Það tekur því allt að tíu manns í gistingu og hentar sérlega vel fyrir um 6 til 8 manna hópa, til dæmis vinahópa eða fjölskyldur.
Innifalið í verði er grunnur að morgunmat fyrsta daginn og auk þess ásett lín á rúm (ekki dýnur) handklæði, hreinlætisvörur á baði, í eldhúsi og þvottahúsi ásamt þrifum á húsnæði á farardegi.
Ýmis þægindi fylgja húsinu, til dæmis þvottavél og þurrkari ásamt aukasturtu og aukasalerni. Þráðlaust net er á staðnum, sjónvarp og Blue Ray-spilari.
Brekkukot er kjörinn staður fyrir þá sem vilja slaka á og njóta lífsins. Heiti potturinn fyrir utan húsið er svo rúmgóður að hann er í rauninni laug og þar er dásamlegt að slaka á í skagfirskri kvöldkyrrð.
Frábærar gönguleiðir eru allt í kringt og stutt í alls konar afþreyingu og áhugaverðar stuttar ferðir, til dæmis að Hólum í Hjaltadal, til Hofsóss eða Sauðárkróks.
Nánari upplýsingar er að finna á vefsíðunni brekkukot561.is og á Facebook-síðunni Brekkukot. Fyrir bókanir eða fyrirspurnir er gott að senda skilaboð á netfangið herdis@brekkukot561.is eða hringja í síma 699-6102. Einnig er hægt að bóka beint á síðunni brekkukot561.is.