Zenbook Pro sem vakið hefur mikla athygli á fartölvusýningum um allan heim er nú komin í Tölvulistann. „Zenbook fartölvurnar hafa lengi notið vinsælda fyrir að vera léttar, flott hannaðar og öflugar en það er óhætt að segja að þessi fartölva marki ákveðin tímamót. Nýjungin felst í því að snertiflöturinn er jafnframt bjartur háskerpuskjár sem býður upp á marga skemmtilega notkunarmöguleika. Bæði er hægt að nota skjáinn til að auka afköst í vinnu með því t.d. að nota hann fyrir flýtiskipanir í Office forritunum, nota sem reiknivél, stjórna tónlistinni og svo ótal margt fleira,“ segir Gunnar Jónsson, markaðsstjóri Tölvulistans.
Fartölva með ótal möguleika
Gunnar nefnir sem dæmi að með Asus Sync smáforritinu er hægt að tengja bæði Android og iPhone við nýja skjáinn. Þannig er hægt að fá tilkynningar úr símanum, svara skilaboðum með lyklaborðinu á fartölvunni eða spegla skjáinn á símanum í annan eða báða skjáina.
Myndbandið að neðan sýnir möguleika Zenbook Pro:
Fyrsta flokks skjár
„Skjárinn er skemmtileg viðbót sem bæði vekur athygli og hjálpar manni að vinna hraðar, en fyrst og fremst er þetta mjög öflug fartölva fyrir þau verkefni sem þarf að vinna,“ segir Gunnar. Zenbook Pro kemur með 8. kynslóðar Intel i7 örgjörva, stórum 512GB SSD diski og 16GB minni. 14“ skjárinn er svokallaður NanoEdge skjár með örþunnum skjáramma auk þess sem hann er sérstaklega skýr með Pantone vottun fyrir myndvinnslu. Zenbook Pro er með öflugum GeForce GTX 1050 grafíkkjarna, miklum tengimöguleikum og langri rafhlöðuendingu.
Zenbook Pro fæst í Tölvulistanum á kr. 299.995 og hægt að skoða hana á Suðurlandsbraut og Glerártorgi.
Í þessu myndbandi má sjá betur hvernig hægt er að nýta sér möguleikann til að tengja símann og Zenbook Pro með Asus Sync:
Nánari upplýsingar má nálgast á www.tl.is