fbpx
Sunnudagur 16.desember 2018
Lífsstíll

Bruggverksmiðjan Kaldi – Jólahefð í áratug

Kynning
Ragna Gestsdóttir
Mánudaginn 3. desember 2018 12:00

Hjónin Agnes Sigurðardóttir og Ólafur Þröstur Ólafsson, stofnuðu bruggverksmiðjuna Kalda á Árskógssandi í Eyjafirði árið 2006. Tveimur árum síðar kom Kaldi á markað. Og í fyrra opnaði heilsulindin Bjórböðin, sem hafði lengi verið draumur Agnesar.

„Við sáum að þarna var tækifæri og okkur fannst vanta eitthvað nýtt í jólasöluna,“ segir Agnes aðspurð af hverju Kaldi fór í framleiðslu á jólabjór. „Á þessum tíma voru fjórar eða sex tegundir til í Vínbúðinni og markaðurinn kallaði á meira úrval.“

Jólakaldi hefur borið aldurinn vel, viðtökurnar eru góðar á hverju ári og Jólakaldi selst alltaf upp. „Viðtökurnar voru gríðarlega góðar strax fyrsta árið, það var greinilega þörf á honum,“ segir Agnes.

Viðtökurnar eru góðar á hverju ári og eftirspurnin hefur aukist ár frá ári, en Agnes segir að núna sé komið ákveðið jafnvægi í framleiðsluna og um 250 þúsund flöskur framleiddar og seldar árlega. Jólakaldi kemur í sölu um miðjan nóvember, og er ávallt uppseldur um þrettándann. Jólakaldi er á dælu á 14 veitingastöðum og á öllum betri veitingastöðum fæst hann á flösku.

Árið 2015 ákvað Kaldi að framleiða Súkkulaðiporter sem var hugsaður fyrir sælkerana. „Við ákváðum 2015 að framleiða nýja vöru, þá brugguðum við súkkulaðiporter sem við notum Nóa Siríus súkkulaði í,“ segir Agnes. „Viðtökurnar við honum hafa einnig verið mjög góðar, magnið er takmarkað eða um 60 þúsund flöskur.“

Jólakaldi er að sjálfsögðu í boði í Bjórböðunum fram að þrettándanum. Og á jólahlaðborði Kalda er hann í öndvegi, en síðasta jólahlaðborðið er laugardaginn 1. desember. „Kaldi verður síðan áfram í boði á veitingastofunni hjá okkur eftir að jólahlaðborðinu lýkur, en hún er opin alla daga nema sunnudaga.“

Bjórböðin hlutu nýlega nýsköpunarverðlaun Samtaka ferðaþjónustunnar árið 2018. Eliza Reid forsetafrú afhenti Bjórböðunum verðlaunin á 20 ára afmæli Samtaka ferðaþjónustunnar sem fram fór á Hilton Reykjavík Nordica laugardagskvöldið 10. nóvember.

Gjafabréf, sápur og fleira í jólapakkann

„Við erum með bjórsápur. Við notum bjórsalt og bjórólíur ofan í böðin, sem gefa einnig góða lykt. Við eigum líka sjampó, hárnæringu, og fleira. Fyrir jólin munum við bjóða upp á gjafapakka. Einnig eru gjafabréf í boði, sem sníða má eftir vali hvers og eins, hvort sem er ákveðin upphæð eða meðferð,“ segir Agnes, en úrvalið má skoða á heimasíðunni: bjorbodin.is

Allar upplýsingar má fá í síma 466-2505, netfanginu  bruggsmidjan@bruggsmidjan.is og á heimasíðunni: bruggsmidjan.is

 

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nylon-stjarna gengin út

Ekki missa af

Lífsstíll
Í gær

Snöggur og snar á brautinni

Snöggur og snar á brautinni
Lífsstíll
Í gær

Ævintýraleg ferðasaga um HM ferðalagið

Ævintýraleg ferðasaga um HM ferðalagið
Lífsstíll
Fyrir 2 dögum

Saga forlag: Íslendingasögurnar í glæsilegri viðhafnarútgáfu

Saga forlag: Íslendingasögurnar í glæsilegri viðhafnarútgáfu
Lífsstíll
Fyrir 2 dögum

Lýðræðið svívirðilega vanvirt

Lýðræðið svívirðilega vanvirt
Lífsstíll
Fyrir 2 dögum

Fjölskyldan sameinast yfir hljóðbókum

Fjölskyldan sameinast yfir hljóðbókum
Lífsstíll
Fyrir 2 dögum

Ostur er sjálfsagður veislukostur

Ostur er sjálfsagður veislukostur
Lífsstíll
Fyrir 5 dögum

Fisherman: Ein besta fiskisjoppa úthverfanna

Fisherman: Ein besta fiskisjoppa úthverfanna
Lífsstíll
Fyrir 5 dögum

Íslenskur heimilismatur eftir vigt: Girnilegir réttir á hagstæðu verði

Íslenskur heimilismatur eftir vigt: Girnilegir réttir á hagstæðu verði