fbpx
Sunnudagur 16.desember 2018
Lífsstíll

Bókasafn Árborgar: Alltaf heitt á könnunni

Kynning
Jóhanna María Einarsdóttir
Sunnudaginn 2. desember 2018 08:00

Esther og jólahandavinnan

Bókasafn Árborgar samanstendur af þremur bókasöfnum. Þá er Bókasafn Selfoss staðsett í fallegasta húsinu á Selfossi. Bókasafnið á Stokkseyri er í grunnskólanum þar og Bókasafnið á Eyrarbakka er til húsa í Blátúni. „Ásamt því að hýsa bókasöfn Árborgar þá erum við með fjölda menningarviðburða. Við erum með tónlistarviðburði, listasýningar, upplestra og margt fleira. Það má alltaf bóka að það sé eitthvað skemmtilegt að gerast á bókasöfnunum. Svo er auðvitað alltaf notalegt að koma hingað og kíkja í blöðin. Það er alltaf heitt á könnunni!“ segir Heiðrún Dóra Eyvindardóttir.

Sýning á bönnuðum bókum vakti gífurlega athygli enda með ólíkindum að sjá hvað hefur á einhverjum tíma/stað verið bannað. Eitt af því merkilegra var að bókin „Black Beauty“ var bönnuð í S-Afríku þar sem orðin „black“ og „beauty“ áttu ekki að standa hlið við hlið.

Dagskrá á Bókasafni Árborgar, Selfossi

Barnadeildin er troðfull af skemmtilegum bókum fyrir yngri kynslóðirnar.

Fyrsti desember: Á morgun munum við opna fyrsta Jólagluggann í bænum kl. 10.00, sem myndlistamaðurinn Rakel Sif Ragnarsdóttir sá um að skreyta. Í framhaldi verða opnaðir nýir jólagluggar hjá hinum ýmsu fyrirtækjum á hverjum degi fram að jólum.

Jólaglugginn frá því árið 2016.

Þrettándi desember: Rithöfundurinn Bjarni Bjarnason les upp úr nýrri bók sinni, Læknishúsinu. Sagan er æsispennandi fjölskyldu-, ættar- og draugasaga og á sér stað í læknishúsinu á Eyrarbakka,“ segir Heiðrún. Viðburður hefst kl. 17.15 og eru allir velkomnir

Alltaf eitthvað að gerast

Sýningasalurinn Listagjáin er starfræktur í kjallara bókasafnsins á Selfossi. „Við erum alltaf með opna myndlistarsýningu í Listagjánni og er þetta í raun eini salurinn á Selfossi þar sem eru alltaf sýningar. Núna stendur yfir falleg málverkasýning Rakelar Sifjar sem starfar jafnframt á safninu. Hún sér alla jafna um skreytingar á safninu og hefur til að mynda skreytt jólagluggann og gerði allar skreytingar í barnadeildinni.

Rakel Sif Ragnarsdóttir

„Á hverjum fimmtudegi kl. 10.30 kemur Kiddý, sem er fyrrverandi leikskólakennari, til að lesa fyrir börnin. Þessar stundir eru alltaf þéttsetnar af áhugasömum börnum og foreldrum þeirra enda er Kiddý ótrúlega lifandi í lestrinum og með áratuga reynslu,“ segir Heiðrún.

Mynd frá 2017. Harry Potter-þema. Athygli vekur að það héngu 60 kerti úr loftinu en móðir eins starfsmannsins hér heklaði allt þetta loft úr garni með pallíettum sem glitruðu eins og stjörnur í ljósunum.

„Mig langar sérstaklega að minnast á öldungaráðið, sem er skipað fólki á öllum aldri. Þau koma saman á hverjum morgni til skrafs og ráðagerða og fara yfir landsins gagn og nauðsynjar.“

Kökuform til leigu

Það er ljóst að Bókasafn Árborgar býður upp á skemmtilega dagskrá í aðdraganda jólanna og ættu flestir að geta fundið sér viðburði við hæfi. „Það er svo notalegt að koma við í safninu, finna sér bók til að lesa, kannski detta inn á einhverja tónleika. Svo má ekki gleyma því að Bókasafnið á Selfossi er eina bókasafnið á landinu sem er með kökuform til leigu!“ segir Heiðrún.

Nánari upplýsingar má nálgast á bokasafn.arborg.is http://bokasafn.arborg.is/

Tölvupóstur: bokasafn@arborg.is

Austurvegur 2, Selfossi

Sími: 480-1980

Opnunartími yfir vetrartíma: 1. september–15. maí. Virkir dagar: 8.00–19.00 og laugardagar: kl. 10.00–14.00

Eyrarbraut 2, Stokkseyri

Sími: 480-3223

Opið er mánudaga og fimmtudaga kl. 16.00–18.00. Þriðjudaga kl. 19.00–21.00

Túngötu 40, Eyrarbakka

Sími 480-1991

Opið er mánudaga og fimmtudaga kl. 16.00–18.00. Þriðjudaga kl. 19.00–21.00

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nylon-stjarna gengin út

Ekki missa af

Lífsstíll
Í gær

Snöggur og snar á brautinni

Snöggur og snar á brautinni
Lífsstíll
Í gær

Ævintýraleg ferðasaga um HM ferðalagið

Ævintýraleg ferðasaga um HM ferðalagið
Lífsstíll
Fyrir 2 dögum

Saga forlag: Íslendingasögurnar í glæsilegri viðhafnarútgáfu

Saga forlag: Íslendingasögurnar í glæsilegri viðhafnarútgáfu
Lífsstíll
Fyrir 2 dögum

Lýðræðið svívirðilega vanvirt

Lýðræðið svívirðilega vanvirt
Lífsstíll
Fyrir 2 dögum

Fjölskyldan sameinast yfir hljóðbókum

Fjölskyldan sameinast yfir hljóðbókum
Lífsstíll
Fyrir 2 dögum

Ostur er sjálfsagður veislukostur

Ostur er sjálfsagður veislukostur
Lífsstíll
Fyrir 5 dögum

Fisherman: Ein besta fiskisjoppa úthverfanna

Fisherman: Ein besta fiskisjoppa úthverfanna
Lífsstíll
Fyrir 5 dögum

Íslenskur heimilismatur eftir vigt: Girnilegir réttir á hagstæðu verði

Íslenskur heimilismatur eftir vigt: Girnilegir réttir á hagstæðu verði