CargoFlutningar ehf er flutningaþjónusta sem staðsett er í Reykjanesbæ og sérhæfir sig í smærri og stærri vöruflutningum og dreifingu á milli Reykjavíkur og Suðurnesja. Eigendurnir, Guðbergur Reynisson og kona hans Elsa Hannesdóttir, hófu starfsemina í ágúst árið 2009

„Þegar maður stendur uppi atvinnulaus þá verður maður að vera fljótur að hugsa og hugsa í lausnum, það kemur víst enginn með lausnirnar til þín, svo ég ákvað  að sækja þær bara sjálfur. Fyrstu vikuna vorum við með einn bíl og tvo kúnna,“ segir Guðbergur.

Síðan hefur mikið vatn runnið til sjávar, starfsemin stækkað og bílarnir eru orðnir átta í dag.

„Við erum með á milli 400 til 500 viðskiptavini í misreglulegum viðskiptum og erum að taka á móti 120 til 150 símtölum daglega. Hver bíll fer tvær ferðir daglega á milli Reykjavíkur og Suðurnesja og því eru þetta samtals 16 ferðir á dag. Við leggjum af stað um kl. 9 úr Reykjanesbæ til Reykjavíkur og farið er aftur suður eftir hádegi. Síðan er lagt aftur af stað til Reykjavíkur um kl 14.“

Bílaflotinn samanstendur af nýlegum bílum og segir Guðbergur að það sé mikilvægt því það skilar sér í minna viðhaldi.

Hraði og öryggi eru helstu kostir þjónustunnar hjá CargoFlutningum en með þessari leið geta fyrirtæki sent smærri vörusendingar með nánast engum fyrirvara. Afar mörg fyrirtæki nýta sér þessa þægilegu þjónustu. „Við erum fyrst og fremst að þjónusta fyrirtæki en við flytjum einnig mikið fyrir einstaklinga. Mottóið er að reyna að græja allt samdægurs út á það gengur þetta,“ segir Guðbergur.

Þeir sem þurfa að senda eitthvað hratt og örugglega á milli Reykjavíkur og Suðurnesja ættu einfaldlega að hringja í CargoFlutninga í síma 845-0900 og málið er afgreitt fljótt og örugglega.

„ Við viljum nota tækifærið og þakka öllum sem hafa nýtt sér þjónustu Cargoflutninga á þessum tæplega 10 árum og vonum að ánægjan með þjónustuna leiði til þess að allir nýti sér hana næstu 10 árin áfram. Síðan óskum við öllum gleðilegra jóla og farsæls komandi árs,“ segir Guðbergur og lætur í lokin eina vísu fljóta með:

Þeytist með pakka um víðan völl

Enginn þarf lengi að bíða

Trúin flytur ekki fjöll

En ég get gert tilboð í´ða