Rósakot er lítil en metnaðarfull bókaútgáfa sem gefur aðeins út barnabækur. Markmiðið er að glæða áhuga á lestri og auka lesskilning með því að bjóða upp á áhugaverðar og spennandi bækur sem fræða, þroska og skemmta ungum bókaormum.
Rósakot er í jólastuði og langar að gefa lesendum DV 20% afslátt af öllum bókum í vefverslun rosakot.is frá 14.–18. desember með kóðanum JOL18
Sígildar myndasögur – Drakúla
Innbundin bók í nýjum flokki sem nefnist Sígildar myndasögur. Sú fyrsta í röðinni er Drakúla byggð á sögu Bram Stoker.
Hátt í fjöllum Transylvaníu býr hinn ískyggilegi Drakúla greifi. Þegar Jonathan heimsækir kastalann kemst hann á snoðir um hvaða mann greifinn hefur raunverulega að geyma. Getur vampírubaninn, prófessor Van Helsing, komið Jonathan og félögum hans til hjálpar og hindrað að Drakúla greifa takist ætlunarverk sitt áður en það er um seinan?
Ógnþrungin spenna frá fyrstu til síðustu blaðsíðu. Vönduð myndasögubók með frábærum teikningum fyrir krakka sem þora, 9 ára og eldri! Bókin er kærkomin viðbót fyrir unga lesendur sem vilja bitastæðar, sígildar sögur.
4.300 kr.
104 bls.
Stjáni og stríðnispúkarnir – Myrkraverur
Innbundin bók í nýjum flokki sem nefnist Stjáni og stríðnispúkarnir. Bókin Myrkraverur er sú fyrsta í röðinni.
Stjáni reynir að halda sér vakandi til þess að verjast skrímslunum sem búa í myrkrinu. En hvað er eiginlega á seyði? Hann heyrir mjóróma, skræka rödd og sér pínulítil fjólublá fótspor á bókahillunni sinni. Þorir Stjáni að horfast í augu við sannleikann?
Bækurnar um Stjána eru spennandi valkostur fyrir krakka sem eru að ná góðum tökum á lestri. Skemmtilegt ævintýri sem allir hafa gaman af.
2.450 kr.
79 bls.
Litum og leikum með Binnu – Litum og leikum með Jónsa
Nú geta aðdáendur Binnu og Jónsa loks dundað sér við að leysa þrautir, lita og teikna með söguhetjunum vinsælu.
Í þessum bókum eru myndir til að lita en einnig er hægt að æfa sig í teikningu og leysa þrautir s.s. orðarugl. Svo má ekki gleyma öllum límmiðunum sem fylgja með.
Þessar bækur eru kærkomnar fyrir alla krakka sem lesa bækurnar um Binnu B Bjarna og Jónsa.
1.550 kr.
20 bls.
Kíkjum heim til dýranna
Einföld og falleg flipabók í nýjum flokki sem er bæði skemmtileg og fræðandi.
Hér skoðum við með yngstu börnunum hvar og hvernig ýmiss konar dýr búa – í holum, húsum, trjám og líka í sjónum.
Þessi bók hentar vel fyrir forvitna krakka, tveggja ára og eldri.
2.590 kr.
14 bls.
Bækurnar frá Rósakoti eru seldar í öllum helstu bókaverslunum en einnig í vefverslun – verslun.rosakot.is. Rósakot sendir frítt um land allt.
