Sjanghæ opnaði nýjan veitingastað í Hafnarfirði miðvikudaginn 5. desember. Staðurinn er að Reykjavíkurvegi 74. Meðfylgjandi eru ljósmyndir frá nýja staðnum.
Eigandi Sjanghæ, Rosita Yufan Zhang, sendir frá sér eftirfarandi yfirlýsingu í tilefni af þessum tímamótum:
Ég vil þakka öllum stuðninginn þegar veitingahúsið Sjanghæ þurfti mest á honum að halda. Það olli miklum erfiðleikum þegar RÚV gerði atlögu að staðnum en við munum aldrei gefast upp við rekstur Sjanghæ. Lögfræðingur okkar krefst réttlátra bóta fyrir ærumissi veitingastaðarins.
Í árslok 2019 mun veitingahúsakeðja Sjanghæ telja fimm staði. Markmiðið með Sjanghæ-veitingahúsunum er að bæta við flóru asískrar matargerðar á Íslandi og gefa Íslendingum færi á að kynnast fjölbreytilegu og hollu fæði. Við munum halda áfram af fullum krafti.