fbpx
Sunnudagur 16.desember 2018
Lífsstíll

Aðventuhátíð Menningarhúsanna: Jólamarkaður, jólaleikrit, listsmiðjur, jólatréskemmtun og jólasveinar

Kynning
Jóhanna María Einarsdóttir
Föstudaginn 30. nóvember 2018 08:00

Aðventuhátíð Kópavogsbæjar verður haldin þann 1. desember og verður mikið um dýrðir. Menningarhúsin í Kópavogi bjóða upp á fjölbreytta dagskrá frá kl. 13.00 og á sama tíma verður opnaður aðventumarkaður á túninu með úrvali af spennandi varningi í anda jólanna.  Klukkan 16 verður kveikt á jólatrénu; jólasveinar syngja og dansa með börnunum og skemmtikraftar kíkja í heimsókn.


Stórskemmtilegt jólaleikrit

Jólaleikritið Strákurinn sem týndi jólunum verður meðal þess sem er á dagskrá en það verður sýnt í Salnum kl. 14. „Verkið er fyrir börn á öllum aldri,“ segir Ingi  Hrafn Hilmarsson, annar höfunda og leikari verksins. „Það er fullt af húmor og þótt við séum bara tveir, koma þar við sögu fjölmargar persónur sem bregða sér í alls kyns líki,“ segir Ingi.

Jóel til vinstri og Ingi til hægri

„Leikritið fjallar um Jónatan, ungan dreng sem er kominn með upp í kok af jólastússinu og stressinu heima fyrir og strýkur að heiman. Á ferðum sínum hittir hann jólaálf sem þykir leitt hvernig er komið fyrir Jónatani. Álfurinn ákveður að blekkja Jónatan og sendir hann í ferðalag, en aðaltilgangur ferðalagsins er að endurvekja jólagleðina í hjarta Jónatans. Í svaðilförinni hittir Jónatan alls konar persónur og meðal annars eldri konu sem ekki er öll þar sem hún er séð.“ Auk Inga Hrafns kemur einnig fram leikarinn Jóel Sæmundsson, hinn höfundur verksins.

Menningarhúsin iða af lífi og fjöri til kl. 16. Á Bókasafninu verður skemmtilegt og notalegt jólaföndur þar sem m.a. verður hægt að læra að brjóta origami. Þar mun sjálfur jólakötturinn einnig birtast og lesa glænýja jólasögu eftir Arndísi Þórarinsdóttur. Í tengslum við söguna býður Náttúrufræðistofan börnum að hlýða á létt og skemmtilegt fræðsluerindi um jólaköttinn og ættingja hans. Gaman verður að ganga um Náttúrufræðistofuna þar sem búið er að klæða sum dýrin upp í jólafötin og þeir áhugasömustu geta jafnvel sest niður og teiknað af þeim myndir.

Menningarhúsin í Kópavogi
Jólarebbi

Á Gerðarsafni svífur gamli jólaandinn yfir vötnum en þar verður hægt að hanna sinn eigin jólapappír með kartöflustimpli.

Tónleikar, útimarkaður og jólaball

Menningarhúsin í Kópavogi eru staðsett í hnapp við fallegt og bjart útivistarsvæði. Þar verður stórskemmtilegur aðventumarkaður þar sem seldar verða frábærar gæðavörur. Til að koma öllum í réttu stemninguna verða kórar og tónlistarhópar á svæðinu. Einnig kemur fram hin rómaða Skólahljómsveit Kópavogs, en hápunkti nær hátíðin þegar dansað verður í kringum nýtendrað jólatréð.

Menningarhúsin eru staðsett í Hamraborg 4–6, 200 Kópavogi
Nánari upplýsingar má nálgast á menningarhusin.kopavogur.is

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Lífsstíll
Í gær

Landi: Framúrskarandi herrailmur úr jurtum sem vaxa í náttúru Íslands

Landi: Framúrskarandi herrailmur úr jurtum sem vaxa í náttúru Íslands
Lífsstíll
Í gær

Gjöf sem heldur áfram að gefa

Gjöf sem heldur áfram að gefa
Lífsstíll
Fyrir 2 dögum

Hans og Gréta: Ævintýraleg vefverslun fyrir alla aldurshópa

Hans og Gréta: Ævintýraleg vefverslun fyrir alla aldurshópa
Lífsstíll
Fyrir 2 dögum

Eldhústöfrar: Frábær jólagjöf – allt öðruvísi blandari

Eldhústöfrar: Frábær jólagjöf – allt öðruvísi blandari
Lífsstíll
Fyrir 2 dögum

Mía & Míó: Hágæða vörur fyrir börnin

Mía & Míó: Hágæða vörur fyrir börnin
Lífsstíll
Fyrir 2 dögum

Heimilislíf: Tyrknesk handklæði og fleiri eðalvörur

Heimilislíf: Tyrknesk handklæði og fleiri eðalvörur
Lífsstíll
Fyrir 5 dögum

LG OLED er rétta sjónvarpið fyrir þig

LG OLED er rétta sjónvarpið fyrir þig
Lífsstíll
Fyrir 5 dögum

Reykjavík Röst: Það ilmar allt af jólakanil

Reykjavík Röst: Það ilmar allt af jólakanil