Stjarna á Skólavörðustígnum
Ef til stendur að gæða sér á hlýlegum og ljúffengum mat í hjarta Reykjavíkur, en þó nógu langt frá látunum á Laugaveginum, þá þarf ekki að leita lengra en á horn Skólavörðustígs og Óðinsgötu. Þar stendur veitingahúsið Sjávargrillið þar sem lögð er áhersla á ljúffenga sjávarrétti, bæði séríslenska og alþjóðlega.
Eigandi Sjávargrillsins er Gústav Axel Gunnlaugsson, Húsvíkingur í húð og hár sem var kjörinn Matreiðslumaður ársins 2010. Sjávargrillið var opnað ári eftir að eigandinn hreppti titilinn og hefur hvergi komið lægð í fjölda heimsókna síðan.
Yfir sig ánægðir gestir
Það er ánægjulegt að starfa á veitingastað þar sem gestirnir eru yfir sig ánægðir með bæði mat og þjónustu dag eftir dag,“ segir Guðrún Rúnarsdóttir, veitingastjóri staðarins, og bætir við að hún hafi oft á orði við gestina að eftir 30 ára starfsferil í geiranum finnist henni heiður að vinna á veitingastað þar sem allt þetta helst í hendur að öllu leyti.
„Það er margt mjög spennandi framundan. Við verðum með nýjan matseðil í nóvember með jólaívafi. Skötuhlaðborðið sem hefur hitt í mark á hverju ári verður á sínum stað. Síðan kynnum við sérstakan áramótaseðil á síðasta degi ársins, 31. desember, auk fyrsta dagsins á því nýja,“ bætir Guðrún við.
Fagleg þjónusta
Við leggjum áherslu á faglega, ljúfa og skemmtilega þjónustu, og erum afar stolt af að geta státað af frábærum barþjónum sem laga glæsilega kokteila á meistaralegan hátt, háu hlutfalli af faglærðum þjónum í sal og meisturum í eldhúsinu.“ Sagði Guðrún að lokum.