Ljósboginn er verslun sem sérhæfir sig í sölu alternatora og startara í allar tegundir bíla, vinnuvéla og báta. Við leggjum mikla áherslu á að eiga fjölbreyttan lager af original og eftirmarkaðs vörum frá birgjum í Hollandi, Þýskalandi og víðar. Einnig flytjum við inn rafstöðvar í öllum stærðum og eigum til á lager rafstöðvar frá 1–6kW. Síðan erum við með mikið úrval af ljósabúnaði á kerrur og vagna, vinnuljós og viðvörunarljós. Aðalljós og afturljós á vörubíla og hjólkoppar frá 15“ upp í 22.5“ fyrir vöru- og sendibíla.
Saga fyrirtækisins
Ljósboginn var stofnaður árið 1957 af Sveini B. Ólafsyni rafvélameistara. Var fyrirtækið þá staðsett að Hverfisgötu. „Þar unnu menn aðallega við að vinda rafmótora og við viðgerðir á dínamóum og störturum. Einnig var unnið við húsaraflagnir og rafvélaviðgerðir ásamt fleiri tilfallandi verkefnum svo sem viðgerðir á jólaseríum og einnig öðrum heimilisrafmagnsáhöldum. Á þessum tíma var náttúrlega engu hent sem einhver not voru í. Það var reynt eftir fremsta megni að lægfæra alla hluti,“ segir Sveinn.
Reksturinn breytist
Árið 1980 festi Ljósboginn kaup á húsnæði að Mjölnisholti. Þar var mun rýmra um reksturinn og var innflutningur á efni til endurnýjunar á rafmótorum, dínamóum og störturum orðinn mun umsvifameiri. Árið 1986 flutti Ljósboginn í Rauðagerði, en þá hætti Sveinn viðgerðum á rafmótorum, alternatorum og störturum. Hann sneri sér þá aðallega að innflutningi á alternatorum og störturum og tengdum varahlutum. Næstu árin þjónaði fyrirtækið aðallega rafvélaverkstæðum og einstaklingum.
Reksturinn í dag
Árið 2006 seldi Sveinn Ljósbogann til Ársæls Friðrikssonar og Þórarins Ásgeirssonar. Fljótlega eftir söluna flutti Ljósboginn að Bíldshöfða 14 í stærra húsnæði. Nýju eigendurnir hafa unnið í því að fjölga vöruflokkum til að geta sinnt þörfum viðskiptavinanna sem allra best og bjóða góðar vörur á hagkvæmu verði.
Nánari upplýsingar má nálgast á www.ljosboginn.is
Bíldshöfða 14, 110 Reykjavík
Sími: 553-1244
Netpóstur: ljosbogin@ljosboginn.is