Stracta Hótel er rómaður gististaður á Hellu, nánar tiltekið að Rangárflötum 4. Stutt er frá hótelinu í allar helstu náttúruperlur Suðurlands og þjónusta og aðbúnaður á hótelinu sjálfu er til sóma. Undanfarin ár hefur Stracta Hótel boðið upp á jólahlaðborð sem hafa mælst afar vel fyrir. Sumir slá þar tvær flugur í einu höggi og gista einnig.

Að þessu sinni býður Stracta Hótel upp á gistingu í tveggja manna herbergi með morgunverði ásamt jólahlaðborði á sérstöku tilboði: 16.400 kr. á mann. Aðgangur að heitum pottum og gufubaði í glæsilegum hótelgarði er innifalinn fyrir alla gesti. Það er fullkomin leið til að slaka á fyrir notalegt og skemmtilegt kvöld.

Eyrnakonfekt og jólakrásir

Verð á jólahlaðborðinu án gistingar er aðeins 8.800 kr. Meðal forrétta eru þrjár tegundir af síld, grafinn og reyktur lax, lifrarkæfa með beikoni, grafið hrossakjöt, jólaskinka, sjávarréttasalat, tvíreykt hangikjöt og margt fleira.

Í aðalrétt er meðal annars hvítlauksmarinerað lambalæri, purusteik, Royal-kjúklingabringa og fisk- og grænmetisréttir að hætti kokksins.

Af meðlæti má nefna Waldorf-salat, rauðkál, sykurbrúnaðar kartöflur, villisveppa- og rauðvínssósu og margt fleira. Í eftirrétt er til dæmi Ris a la Mande með kirsuberjasósu, ferskir ávextir og hvít súkkulaðimús.

Jólahlaðborðin eru þessa daga: 17. og 24. nóvember, 1. og 8. desember – sem eru laugardagar. Aðra daga er boðið upp á jólahlaðborðið fyrir stærri hópa.

Hinir frábæru tónlistarmenn Margrét Grétarsdóttir söngkona og Hrafnkell Óðinsson, sjá um að koma gestum í jólastemningu með sannkölluðu eyrnakonfekti meðan á borðhaldi stendur.

Upplýsingar og bókanir eru í gegnum netfangið info@stracta.is eða í síma 531-8010.

Sjá nánar á vefnum: https://www.stractahotels.is/is/jolaladbord