Optima ehf. var stofnað árið 1953 og hefur allar götur síðan þjónustað fyrirtæki með skrifstofuvörur. Optima var fyrsti aðilinn hér á landi til að flytja inn ljósritunarvélar og síðan þá hefur þjónustan þróast í takt við tímann. Í dag er Optima einn af stærstu sölu- og þjónustuaðilum í prentbúnaði og prentlausnum og býður þekkt merki á borð við Ricoh og Xerox.
Optima býður jafnframt fjölbreytt vöruúrval sem tengist öryggi fyrirtækja og einstaklinga. Má þar nefna öryggisskápa, munaskápa og eldtraustar skjalahirslur í öllum stærðum.
Eldtefjandi öryggisskápar og öryggisskjalaskúffur
Að sögn Hildar Birnu Gunnarsdóttur, sölustjóra Optima, hefur sala á öryggisskápum fyrir heimili farið vaxandi undanfarin ár og tekið kipp eftir innbrotahrinu undanfarin misseri. „Við bjóðum einnig upp á eldtefjandi öryggisskápa sem og eldtefjandi skjalaskúffur sem henta vel undir mikilvæg trúnaðargögn,“ segir Hildur. „Eldtöf getur verið í allt að tvær klukkustundir sem eykur líkur á að verðmætin verði ekki eldi að bráð,“ segir hún.
Hún bendir einnig á að sala á sérstökum öryggisskápum fyrir hótel hafi vaxið mjög undanfarin ár í takt við aukna uppbyggingu hótela. Sem ferðamenn þekkjum við öll þá tilfinningu að vilja geta treyst á öryggishólfið í herberginu okkar.
Uppgjörsskápur og seðlabox
„Við bjóðum upp á uppgjörsskápa fyrir fyrirtæki. Starfsmaðurinn ber eingöngu ábyrgð á að setja uppgjör dagsins í hólf og fellur það ofan í læst hólf sem eingöngu yfirmenn komast í. Enn fremur bjóðum við upp á sérstök seðlabox fyrir peningaseðla sem staðsett eru hjá afgreiðslufólki. Starfsfólk setur þá verðmætari seðla í boxið í stað afgreiðsluskúffu,“ segir Hildur. Ef til þjófnaðar kemur er hindrað aðgengi að stærstu seðlunum.
„Mjög stór liður í okkar rekstri er sala á starfsmanna-, nemenda- og munaskápum til fyrirtækja, stofnana og skóla. Þar á hver starfsmaður eða nemandi læsanlegt hólf eða skáp til afnota og getur verið öruggur um að verðmæti hans séu á góðum stað meðan á vinnu stendur.“
Optima selur líka talningarvélar fyrir banka sem eru með öryggisskanna sem skannar falsaða seðla.
Optima er til húsa á tveimur stöðum, að Ármúla 13 í Reykjavík, og Glerárgötu 28 á Akureyri. Í Ármúlanum er, auk skrifstofu, sýningarsalur þar sem hægt er að skoða allar helstu vörurnar, öryggisvörur og aðrar skrifstofuvörur fyrirtækisins. Opið er virka daga frá 9 til 17.
Sjá nánar á optima.is