I Heildverslun flutti þann 2. maí 2018 að Hvaleyrarbraut 35 í Hafnarfirði, en verslunin hefur verið rekin sem fjölskyldufyrirtæki. Markmið verslunarinnar er að einfalda heimilisstörfin með skemmtilegum vörum.
„Við erum búin að flytja inn ilmkerti í 15 ár,“ segir Björg Skúladóttir eigandi, en kerti frá þeim fást í verslunum Bónus um land allt. Í versluninni að Hvaleyrarbraut og í vefversluninni ihverslun.is fást einnig Bath- and Body Works-kerti, ásamt fleiri vörum.
Kertin eru amerísk og auk hefðbundins ilms, sem er í sölu allt árið, þá kemur inn árstíðabundinn ilmur, „eins og fyrir jólin núna þá koma fimm nýjar ilmtegundir sem hafa ekki verið áður til hjá okkur,“ segir Björg.
Hleðsluljós eru mjög sniðug og hentug, bæði fyrir budduna og umhverfið. „Þau má hlaða og hver hleðsla endist í allt að 14 tíma. Einnig má skipta um lit á þeim, eins og núna þá eru þau bleik í glugganum hjá okkur í tilefni af bleikum október.“
Það nýjasta eru sniðugar ilmkúlur á hagstæðu verði, sem fást bæði hjá I Heildverslun og í Bónus. „Þær má setja inn á bað, í ruslaskápinn eða á náttborðið. Dósin er opnuð og þá eru göt á henni eins og á púðurdós og þá kemur ilmurinn upp. Síðan eyðast kúlurnar upp á mánuði.“
Í versluninni fæst einnig mikið úrval heimilis- og gjafavöru, sem ekki fæst annars staðar og því tilvalið að gera sér ferð í verslunina eða skoða úrvalið á heimasíðunni.
I Heildverslun ehf. er að Hvaleyrarbraut 35, Hafnarfirði. Síminn er 555-2585 og heimasíðan er ihverslun.is. Opnunartími er mánudaga–föstudaga frá kl. 10–17 og laugardaga frá kl. 11–14.