Lífsstíll

Lýsing & Hönnun er með lausnir fyrir alla

Kynning
Kynningardeild DV
Föstudaginn 19. október 2018 10:00

Heimili í Hafnarfirði

Þegar kemur að hönnun rýmis þá skiptir miklu máli að velja rétta lýsingu, þar sem lýsing getur gert mjög mikið til að skapa rétta stemmingu. Lýsing & Hönnun er lítið fjölskyldufyrirtæki sem kappkostar að veita persónulega og góða þjónustu varðandi allt sem viðkemur lýsingu, í stórum sem smáum verkefnum, fyrir allar tegundir bygginga. „Starfsmenn okkar eru sannkallaðir reynsluboltar í faginu en Heimir Jónasson, rafmagnsiðnfræðingur og eigandi fyrirtækisins, hefur mjög mikla reynslu í raflagna- og lýsingarhönnun. Ég er búin að vinna  lengi við lýsingarhönnun og Heiðdís Þóra Snorradóttir er menntaður verslunarhönnuður,“ segir Erla Heimisdóttir viðskiptafræðingur, en hún stofnaði Lýsingu & Hönnun árið 2007 ásamt eiginmanni sínum, Heimi Jónassyni.

Ýmiss konar verkefni

„Við höfum verið afar lánsöm að fá að taka þátt í ýmsum skemmtilegum verkefnum. Bæði höfum við unnið með húseigendum að endurbótum og nýbyggingu á einbýlishúsum, sem og arkitektum og innanhússarkitektum í sérlega fjölbreyttum og spennandi verkefnum, bæði stórum og smáum. Hvort sem um er að ræða eina íbúð, einbýlishús, hótel, skrifstofuhúsnæði, íbúðablokkir, veitingastaði eða íþróttamannvirki, þá sjáum við um þetta allt, enda kunnum við til verka,“ segir Erla.

Bakarí í Vestmannaeyjum

Allt á einum stað

„Við vitum að það er í mörg horn að líta þegar verið er að byggja og þá hjálpar að geta fengið allt sem snýr að rafmagnshlutanum á einum stað. Hugmyndin að fyrirtækinu var því upphaflega sú að aðstoða húsbyggjendur við allt sem sneri að rafmagni í húsum, svo sem raflagnateikningar, lýsingarhönnun, rafbúnað og allt það val sem viðkomandi stendur frammi fyrir. Það er alveg greinilegt að mikil þörf hefur verið á markaðnum fyrir þjónustuna sem við bjóðum upp á, enda hefur verið mikið að gera hjá okkur undanfarið,“ segir Erla. Líkt og nafnið gefur til kynna þá er starfsemi Lýsingar & Hönnunar tvíþætt. Annars vegar er um að ræða verkfræðiþjónustu í raflagnateikningum og lýsingarhönnun. Hins vegar er Lýsing & Hönnun verslun þar sem aðaláherslan er á allar gerðir ljósa fyrir bæði einstaklinga og fyrirtæki. „Í versluninni erum við með gríðarlegt úrval af fallegum ljósum og ljósakrónum sem prýða hvers kyns rými,“ segir Erla. Einnig býður fyrirtækið upp á sérfræðiráðgjöf í lýsingarhönnun fyrir einstaklinga og fyrirtæki, þar sem starfsmenn á vegum fyrirtækisins mæta á staðinn, taka út húsnæðið og ráðleggja varðandi raflagnir og uppsetningu á lýsingu.

Í heimahúsi á Íslandi. Ljós: Tage svart frá Pholc.

HDL hita- og ljósastýrikerfi

„Mikill meirihluti af húsbyggjendum sem leita til okkar velur HDL hita- og ljósastýrikerfi, en það kerfi býður upp á endalausa möguleika sem uppfylla mjög mismunandi kröfur. Verðið kemur líka skemmtilega á óvart, en HDL kerfið er alls ekki mikið dýrara en að vera með hefðbundna ljósdeyfa og hitanema,“ segir Erla. Með HDL kerfinu er meðal annars hægt að stjórna ljósum og hita með spjaldtölvum. Þannig má breyta stemmingu í rýminu á afar einfaldan og þægilegan hátt. Einnig er hægt að stýra hita og ljósum með einum rofa sem myndar heildstætt kerfi. Nýlega kom HDL svo fram með byltingarkennda nýjung sem auðveldar nú eigendum eldri húsa að vera með HDL kerfi, þrátt fyrir að raflögn hússins sé ekki sérstaklega löguð að kerfinu. Um er að ræða þráðlausa rofa sem hægt er að setja nánast hvar sem er og því talsvert einfaldari í uppsetningu en hefðbundið HDL kerfi.

HDL ljósa- og hitastýrikerfi.

Veggfóður fyrir falleg rými

Þó að lýsing sé í kastljósinu hjá Lýsingu & Hönnun þá er þar einnig hægt að fá dýrindis veggfóður frá hollenska fyrirtækinu NLXL. Um er að ræða gífurlega fallegt og endingargott veggfóður sem setur punktinn yfir i-ið í glæsilegum rýmum.

Brooklyn Tin veggfóður frá NLXL.

Lýsing & Hönnun er staðsett að Skipholti 35, 105 Reykjavík.
Opið er mánudaga til föstudaga frá klukkan 10–17,  miðvikudaga frá klukkan 10–18 og laugardaga frá klukkan 11–15.
Sími: 588-0506.
Netfang: lysingoghonnun@lysingoghonnun.is.
erla@lysingoghonnun.is.

lysingoghonnun.is

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Lífsstíll
Fyrir 3 dögum

Kvikkfix: Viatti-dekkin eru bylting í vetrardekkjum

Kvikkfix: Viatti-dekkin eru bylting í vetrardekkjum
Lífsstíll
Fyrir 3 dögum

Kistufell, bifreiðaverkstæði með sögu

Kistufell, bifreiðaverkstæði með sögu
Lífsstíll
Fyrir 4 dögum

Kynning: Hótel Laki – Glæsilegt lúxushótel

Kynning: Hótel Laki – Glæsilegt lúxushótel
Lífsstíll
Fyrir 4 dögum

MD Vélar: Nýtt umboð um alhliða þjónustu – Þenslutengi í öllum stærðum og gerðum

MD Vélar: Nýtt umboð um alhliða þjónustu – Þenslutengi í öllum stærðum og gerðum
Lífsstíll
Fyrir 6 dögum

Cover Iceland svala- og handriðalausnir

Cover Iceland svala- og handriðalausnir
Lífsstíll
Fyrir 6 dögum

OneSystems: Íslenskt fyrirtæki sem þróar íslenskan hugbúnað: Hugbúnaðarlausnir fyrir stór og lítil fyrirtæki

OneSystems: Íslenskt fyrirtæki sem þróar íslenskan hugbúnað: Hugbúnaðarlausnir fyrir stór og lítil fyrirtæki
Lífsstíll
Fyrir 1 viku

Castello: Nýjar og gómsætar vörur á matseðli

Castello: Nýjar og gómsætar vörur á matseðli
Lífsstíll
Fyrir 1 viku

Cobra: Sokkabúðin sem elskar alla

Cobra: Sokkabúðin sem elskar alla