fbpx
Miðvikudagur 16.janúar 2019

DV - Frjáls og óháður miðill

Silfur Egils

432 – 202

Orðið á götunni

Er braggamálið frávik ?

Fáðu DV í áskrift

Þú getur valið prentáskrift eða vefáskrift

Sjá nánar eða Lesa blaðið
Kynning

Klifurhúsið: Klifur er lífsstíll

Kynning
Ágúst Borgþór Sverrisson
Laugardaginn 25. ágúst 2018 11:00

Innanhússklifur er vaxandi áhugamál víða um heim og hér á landi stunda margir þetta sport í Klifurhúsinu, Ármúla 23. Þar eru bæði í boði opnir tímar og margs konar námskeið fyrir alla aldurshópa. „Við erum með barna- og unglinganámskeið hér fyrir 5 til 18 ára en einnig kennslu fyrir alla aldurshópa og elstu þátttakendurnir eru um sextugt,“ segir Benjamin Mokry, rekstrarstjóri Klifurhússins.

Klifurveggirnir eru smíðaðir úr timbri og á gólfinu fyrir neðan er stór dýna sem þátttakendur hoppa niður á í lok klifursins. „Hér er stunduð svokölluð grjótglíma, sem felur í sér að klifurveggurinn er mjög brattur en klifurhæðin er lítil, 4–6 metrar, hér í Klifurhúsinu,“ segir Benjamin.

Benjamin Mokry er 39 ára gamall Þjóðverji en hefur verið búsettur hér á landi í 17 ár og talar reiprennandi íslensku. Benjamin stundar klifur bæði utan húss og innan af miklum krafti og er þetta lífsstíll hjá honum. Hann segir lífsstílinn ekki ólíkan lífi brimbrettafólks því hann skipuleggur utanlandsferðir í kringum áhugamálið, fer til dæmis til Evrópu og Bandaríkjanna.

Að sögn Benjamins reynir klifrið bæði á styrk og liðleika. „Það er enginn munur á getu stráka og stelpna, þó að strákarnir séu oftast sterkari og fari nokkuð á kraftinum þá eru stelpurnar oftast með betri tækni, en hún er mjög mikilvæg. Stelpurnar eru betri í að halda fótunum á veggnum, þær eru flinkari. Hugtakið tækniklifur er þekkt enda eru tækni og liðleiki mikilvægir þættir í þessu sporti.“

Klifrið eflir allt í senn, þol, liðleika og styrk, og hentar fólki á öllum aldri. „Til dæmis getur maður aldrei orðið of sterkur í fingrunum en klifrið eflir mjög fingrastyrk, en það er nokkuð sem fólk er almennt ekki að þjálfa með sér,“ segir Benjamin.

Klifurhúsamenningin

Það þarf ekki að fara á námskeið til að kynnast klifrinu né þarf að kaupa sér aðgöngukort, hægt er að mæta á staðinn og kaupa sér stakan tíma. Klifurleiðunum er síðan raðað upp í mismunandi erfiðleikastig þannig að byrjendur geta valið leið sem hentar þeim fullkomlega en einnig eru krefjandi leiðir í boði fyrir þá sem eru lengra komnir. Opið er alla daga frá kl. 11.30 til 13.30 og 16 til 22.

„Það er kjörið fyrir litla hópa að koma hingað og eiga góða stund saman. Klifurhús spretta víða upp erlendis og eru að verða mjög vinsælir samkomustaðir. Fólk hittist, fær sér kaffi og spjallar, og klifrar síðan saman í tvo tíma. Þetta kemur í staðinn fyrir að hittast á barnum,“ segir Benjamin. Það er því jafn sjálfsagt að hittast í klifri eins og að hittast á kaffihúsi eða krá. Og svo fær maður mikla og góða hreyfingu í leiðinni.

Nánari upplýsingar um Klifurhúsið er að finna á vefsíðunni klifurhusid.is og Facebook-síðunni Klifurhúsið.

 

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Kynning
Fyrir 4 dögum

Ombrello á rúðuna: Undraefni sem eykur öryggi

Ombrello á rúðuna: Undraefni sem eykur öryggi
Kynning
Fyrir 4 dögum

Würth: Gæðin oft ódýrari þegar upp er staðið

Würth: Gæðin oft ódýrari þegar upp er staðið
Kynning
Fyrir 5 dögum

Þörunga magnesíum: Dregur úr sykurlöngun og streitu

Þörunga magnesíum: Dregur úr sykurlöngun og streitu
Kynning
Fyrir 1 viku

Girnilegar nýjungar frá Castello

Girnilegar nýjungar frá Castello
Kynning
Fyrir 1 viku

Mýrin vatnsleikfimi: Heilsuefling í vatni

Mýrin vatnsleikfimi: Heilsuefling í vatni
Kynning
Fyrir 1 viku

Kísilsteinefnið inniheldur hreinan jarðhitakísil

Kísilsteinefnið inniheldur hreinan jarðhitakísil
Kynning
Fyrir 2 vikum

Jólagjöfin í ár er svalir

Jólagjöfin í ár er svalir
Kynning
Fyrir 2 vikum

Fyrsta skiptið hefur hlotið einróma lof gagnrýnenda

Fyrsta skiptið hefur hlotið einróma lof gagnrýnenda