fbpx
Lífsstíll

Höldum sambandinu órofnu – Veitur hvetja fólk í jarðframkvæmdum að afla sér upplýsinga áður

Kynning
Ragna Gestsdóttir
Mánudaginn 30. júlí 2018 17:00

Markaðsherferð Veitna til að hvetja fólk til að hafa samband áður en grafið er í jörð. Markaðsmyndir Veitna.

Hjá Veitum er nú átakið „Höldum sambandinu órofnu“ í gangi, en átakið er kynnt vel bæði á heimasíðu Veitna og í auglýsingum, þar á meðal í skemmtilegu myndbandi sem sjá má hér neðar.

En um hvað snýst þetta átak og af hverju er það nauðsynlegt fyrir húseigendur?

„Við hjá Veitum ákváðum að fara í þetta átak þar sem slitnir strengir og skemmdar lagnir valda fyrirtækinu og viðskiptavinum þess bæði óþægindum og kostnaði. Og það er svo auðvelt að koma í veg fyrir megnið af atvikum af þessum toga,“ segir Ólöf Snæhólm Baldursdóttir upplýsingafulltrúi Veitna.

„Þeir sem huga á framkvæmdir sem fela í sér að grafa í jörð ættu undantekningarlaust að fá teikningar af lögnum áður en byrjað er. Það getur verið mikið undir; víða liggur þétt net af lögnum og leiðslum sem færa okkur heitt og kalt vatn, rafmagn og internet auk fráveitu.“

Markaðsherferð Veitna til að hvetja fólk til að hafa samband áður en grafið er í jörð. Markaðsmyndir Veitna.

Af hverju er mikilvægt að fá teikningar áður en farið er í jarðframkvæmdir?

„Ef þú ert að grafa og tekur í sundur leiðslur eða lagnir eru afleiðingarnar allt frá því að vera óþægilegar upp í að vera stórhættulegar, til að mynda ef grafnir eru í sundur rafmagnsstrengir. Töluverður kostnaður getur líka fylgt því að skemma lagnir og strengi. Ef grafið er blindandi og lagnir skemmast þá þarftu að greiða tjónið sem getur numið allt frá tugum þúsunda upp í enn stærri upphæðir. Ekki byrja að grafa án þess að hafa samband við okkur fyrst.“

Hvar nálgast fólk teikningar og hvernig er ferlið?

„Aðgengi að lagnateikningum er mjög gott, það er auðvelt að nálgast þær og kostar ekkert. Það er hægt að hringja í Veitur og fá teikningarnar í tölvupósti svo til samstundis. Einnig má senda beiðni í gegnum heimasíðuna veitur.is („Þú getur sent okkur línu hér“ tengill neðst á síðunni) og þá getur tekið 1-2 daga að fá teikningarnar og auðvitað eru allir velkomnir í afgreiðsluna á Bæjarhálsi 1 á opnunartíma á virkum dögum.
Ef ekki er alveg skýrt samkvæmt teikningum hvar lagnirnar liggja þá geta Veitur sent fólk á staðinn til að aðstoða við að staðsetja þær.

Annað sem gott er að hafa í huga þegar grafið er innan lóðar að lagnir í götunni liggja oft rétt utan við lóðarmörk. Komið hefur fyrir að fólk telur sig vera grafa á eigin lóð en er komið út fyrir og í lagnir sem liggja í götu. Rétt að taka fram að ekki þarf alltaf að grafa til að taka í sundur leiðslur. Við þekkjum dæmi þess að niðusetning staura hafi tekið út lagnir.“

Veitur eru með starfssvæði á suðvesturhorni landsins en víða utan Reykjavíkur eru Veitur ekki með allar veitur, það er heitt og kalt vatn, rafmagn, fráveitu og ljósleiðara á svæðinu. Svo dæmi sé tekið þá þurfa Hafnfirðingar að hafa samband við Veitur til að fá upplýsingar um hitaveitulagnir og Ljósleiðarann, við HS Orku varðandi raflagnir og við Hafnarfjarðarbæ vegna vatnslagna. Athugið því vel hvort þið séuð með upplýsingar um allar lagnir áður en byrjað er að grafa.

Á heimasíðu Veitur er að finna allar frekari upplýsingar um átakið.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Banaslys við Kirkjufell
Lífsstíll
Fyrir 1 viku

Loftstokkahreinsunin K2: Hreinsun loftræstikerfa í fjölbýlishúsum mikilvæg

Loftstokkahreinsunin K2: Hreinsun loftræstikerfa í fjölbýlishúsum mikilvæg
Lífsstíll
Fyrir 1 viku

Íslendingar flykktust á The Nun um helgina: Langstærsta opnunin

Íslendingar flykktust á The Nun um helgina: Langstærsta opnunin
Lífsstíll
Fyrir 1 viku

SugarBearHair: Vítamín-bangsarnir sem elska hárið þitt og eru í uppáhaldi hjá stjörnunum

SugarBearHair: Vítamín-bangsarnir sem elska hárið þitt og eru í uppáhaldi hjá stjörnunum
Lífsstíll
Fyrir 1 viku

Ban Kúnn er gífurlega vinsæll: „Íslendingar eru sólgnir í góðan taílenskan mat“

Ban Kúnn er gífurlega vinsæll: „Íslendingar eru sólgnir í góðan taílenskan mat“
Lífsstíll
Fyrir 1 viku

Nýju Nokia-símarnir slá í gegn: Ódýrir, níðsterkir og með hraðari uppfærslum

Nýju Nokia-símarnir slá í gegn: Ódýrir, níðsterkir og með hraðari uppfærslum
Lífsstíll
Fyrir 2 vikum

Skemmtilegu, klassísku tómstundaborðin sem henta vel i sumarbústaðinn og inn á hvert heimili

Skemmtilegu, klassísku tómstundaborðin sem henta vel i sumarbústaðinn og inn á hvert heimili
Lífsstíll
Fyrir 2 vikum

Grillað á staðnum og enginn þarf að vaska upp

Grillvagninn í fermingarveisluna

Grillað á staðnum og enginn þarf að vaska upp
Lífsstíll
Fyrir 2 vikum

Jóga tengir líkama og huga – Yoga Shala er með fjölbreytta tíma með innrauðum hita

Jóga tengir líkama og huga – Yoga Shala er með fjölbreytta tíma með innrauðum hita
Lífsstíll
Fyrir 3 vikum

MYNDBAND: Hvað breytist við nýju persónuverndarlögin?

MYNDBAND: Hvað breytist við nýju persónuverndarlögin?