100% náttúrulegt íslenskt kísilsteinefni
GeoSilica er sprotafyrirtæki sem hefur það að markmiði að framleiða hágæða kísilríkar heilsuvörur úr jarðhitavatni Hellisheiðarvirkjunar. Fyrsta vara geoSilica kom á markað árið 2015 en um er að ræða hágæða 100% náttúrulegt íslenskt kísilsteinefni í vökvaformi tilbúið til inntöku. Kísilsteinefnið hefur margvíslega heilsusamlega virkni, getur m.a. verið fyrirbyggjandi varðandi beinþynningu, örvað kollagenmyndun og bætt nýtingu kalks og annarra steinefna.
Flest fáum við öll þau vítamín og steinefni sem líkaminn þarfnast úr fæðu en þó eru á því undantekningar, segir Fida Abu, framkvæmdastýra geoSilica. Skortur á steinefnum eins og kísil getur haft alvarlegar afleiðingar á stoðkerfi, bandvef og þroska beina. Þá sýna rannsóknir að kísilinntaka eykur þéttleika beina, en beinþynning er mikið áhyggjuefni meðal vestrænna þjóða. Nú hefur geoSilica þróað nýjar vörur til að ýta undir virkni kísilsins. Nýjar vörur geoSilica; Renew, Repair og Recover, innihalda jafn mikið magn af kísil með viðbættum steinefnum. Með því að bæta steinefnum við grunnvöruna sem er sérsniðin fyrir mismunandi virkni og hafa að einhverju leyti áhrif á sömu þætti og kísill, er hægt að ýta enn frekar undir þá virkni sem kísillinn stendur fyrir. Völdu steinefnin eru byggð á rannsóknum sem gerðar voru af geoSilica. Allar vörurnar eru lausar við öll aukaefni og eru því eins náttúrulegar og hugsast getur.
„Þegar ég las um kísilinn þá sá ég að þarna var eitthvað fyrir mig. Kísillinn var greinilega það steinefni sem mig vantaði til að auðvelda líkamanum upptöku á kalki og magnesíum. Ég er búin að taka kísilinn í tvö ár og er ekki að hætta. Ég finn það að ég er öll hraustari og heilbrigðari en það er sjáanlegur munur á hári, húð og nöglum. Ég mæli hiklaust með kísilvökva frá geoSilica“ – Telma Matthíasdóttir, einkaþjálfari og eigandi fitubrennsla.is
Vörur geoSilica eru fáanlegar í öllum helstu apótekum, heilsuverslunum, Nettó, Hagkaupum, Fjarðarkaupum og Duty Free ásamt því að vera í Jarðhitasýningu ON.
Frekari lýsingu á vörunum má finna inni á heimsíðu fyrirtækisins, geosilica.is.