Regnboga frostpinnar

Hollir, góðir og litríkir

Það er fátt meira svalandi en frostpinnar og skiptir þá engu máli hvort sólin lætur sjá sig eða ekki. Þessir ávaxtapinnar eru ekki bara fallegir á að horfa, þeir eru líka hollir og hjálpa til við að nýta það sem til er í ísskápnum og koma þannig í veg fyrir matarsóun.

Mango, drekaávöxtur, papaya, kiwi og rifsber eru innihaldið í þessum frostpinnum, en í raun má nýta hvaða ávexti sem er, jafnvel afganga sem eru til í ísskápnum, þar sem að stundum dugar jafnvel einn biti fyrir hvert lag. Ekki er ráðlegt að nota frosna ávexti, þar sem endurfrysting dregur úr hollustunni.

Hverjum ávexti fyrir sig er skellt í matvinnsluvél og svo skammtað í ísformin, lag eftir lag þar til hvert form er fullt. Til að leki ekki á milli laga, þá má frysta í stuttan tíma eftir hvert lag. Best er að setja álfilmu yfir íspinnaboxið áður en það er sett í frysti svo auðveldara sé að ná þeim úr boxinu. Gott er að dýfa síðan boxinu í heitt vatn í stutta stund til að ná íspinnunum úr og pakka þeim í plast hverjum fyrir sig ef geyma á þá lengur í frysti.

Endilega leyfið börnunum að vera með við íspinnagerðina, þau hafa bara gaman af því.

Heimasíða

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.