Exton.is
„Tilefnin geta verið allt frá barnaafmæli upp í stóra skemmtun hjá sveitarfélagi eða félagsamtökum. Leiguverðið á hoppuköstulum er frá undir 20.000 krónum dagurinn enda eru þeir til í afar mörgum stærðum. Það sama má segja um veislutjöldin. Þú getur fengið lítið tjald sem þú slærð bara upp á lóðinni þinni á einfaldan hátt en síðan erum við með tjöld sem þekja jafnvel þúsundir fermetra.“
Þetta segir Ríkharð Sigurðsson hjá fyrirtækinu Exton sem sérhæfir sig í tækjaleigu og þjónustu fyrir margskonar viðburði. Núna er vertíð sumarveislna og margvíslegra hátíða undir beru lofti og þá koma hin vinsælu leiktæki hoppukastalar mikið við sögu. Hjá Exton eru í boði um 30 tegundir að hoppuköstulum í hinum ýmsu stærðum. Veislutjöld, borð og stólar eru einnig í mikilli útleigu. Sum tilefni kalla á útleigu á öllu þessu:
„Á 17. júní eru íþróttafélög og sveitarfélög að taka allan pakkann. Sama getur gilt um smærri tilefni á borð við brúðkaupsveislur þar sem það er orðið vinsælt að setja upp hoppukastala fyrir börnin skammt frá veislutjaldinu,“ segir Ríkharð.
Sem fyrr segir er úrval hoppukastala hjá Exton afar mikið. Í köstulunum eru rennibrautir eða þrautabrautir og í boði eru margskonar afbrigði, eins og til dæmis sjóræningjahellir, skjaldbökuhús, höfrungakastali, boxhús, þrautakastali og ótal margt fleira.
Nánari upplýsingar er að finna á vefsíðunni exton.is og í síma 575 4600 en fyrirtækið veitir sérhæfða ráðgjöf um þessi tæki og sér um uppsetningu þeirra ef þess er óskað.