ARA-Restaurant & Bar: Veitingastaður fyrir alla fjölskylduna
Frá því ARA-Restaurant & Bar var opnaður í hverfinu hefur viðskiptavinahópurinn sífellt farið stækkandi. „Við höfum ekki auglýst okkur neitt fyrr en nú. Maturinn er einfaldlega fyrsta flokks, matsalurinn notalegur og andrúmsloftið huggulegt. Það er það sem selur og gæðin spyrjast út. Hingað geturðu komið með góðum vinum eða allri fjölskyldunni, fengið góðan mat og dvalið í þægilegu umhverfi. Matseðillinn er fjölbreyttur og meðal annars er hægt að fá gómsætar eldbakaðar pizzur, klassíska hamborgara, quesadillas og brauðstangir,“ segir Ghani Zogaj, eigandi ARA-Restaurant & Bar í Búðakór 1 í Kópavogi.
Einkennisorð ARA-Restaurant & Bar eru: „Það er fátt betra en góður vinur, nema það sé góður vinur með gómsætan mat frá ARA-Restaurant & Bar“ og eru þau engar ýkjur. Enda fer fátt betur með góðri vináttu en góður matur. Veitingasalurinn ilmar af ómótsæðilegum eldbökuðum flatbökum sem eru bakaðar ferskar með ýmiss konar girnilegu áleggi. Einnig er hægt að taka matinn með heim fyrir þá sem vilja snæða í heimahúsi eða gleðja góðan vin með ilmandi heimsókn frá ARA-Restaurant & Bar. „Við erum svo með stóran skjá inni í salnum þar sem við sýnum helstu íþróttaviðburði og erum líka með ískaldan á krana,“ segir Ghani.
„Síðan við opnuðum höfum við séð um nokkra stóra hópa sem koma hingað til þess að borða saman kvöldmat eða hádegismat í skemmtilegu og notalegu andrúmslofti. Hóparnir í hverfinu velja að koma hingað vegna þess að hér fæst fyrsta flokks matur á góðu verði og salurinn er líka ótrúlega fallegur, þó að ég segi sjálfur frá. Við höfum lagt mikið upp úr því að hafa matsalinn notalegan enda skiptir það ótrúlega miklu máli fyrir gestina að umhverfið sé aðlaðandi,“ segir Ghani.
ARA-Restaurant & Bar er staðsettur að Búðakór 1, 203 Kópavogi.
Sími: 554-3050
Opnunartími virka daga er kl. 11.00–23.00.
Föstudaga og laugardaga er opið frá 11.00–01.00.
Nánari upplýsingar má nálgast á Facebook-síðu veitingastaðarins.