La Luna pizzeria-steakhouse er nýr veitingastaður sem þó byggir á gamalli þekkingu og afar langri reynslu. Staðurinn, sem er að Grensásvegi 10, var opnaður þann 13. janúar síðastliðinn. Eigandinn, Þorleifur Jónsson, sem ávallt er kallaður Tolli, var áður með La Luna á Rauðarárstíg og var þá fyrstur á Íslandi til að bjóða upp á súrdeigspítsur en súrdeigsbotninn er eitt af megineinkennum matreiðslunnar á La Luna:

„Súrdeigið brotnar betur niður í meltingunni, flýtir fyrir henni og er ekki eins þungt í maga og gerhveitibotninn,“ segir Tolli en fjölskyldufólk sækir mikið á La Luna þar sem það veit að það er að gefa börnunum sínum heldur hollari pítsur vegna súrdeigsins. En hverjar eru vinsælustu pítsurnar á staðnum:

„Humarpítsan er mjög vinsæl og þykir óvenjuleg. Pítsa sem heitir Eat-Pray-Love er líka afar vinsæl, sem og upprunalega pepperónípítsan.“

Að sögn Tolla er bæði vinsælt að sækja pítsur og borða á staðnum enda er stór og góður veitingasalur á La Luna sem tekur marga í sæti. Fjölmargir vinnustaðir eru í nágrenninu eins og allir vita og er vinsælt að koma í hádegismat á La Luna, ekki síst er þá ásókn í steikurnar sem þar eru í boði en þær eru á mjög góðu hádegistilboði, aðeins 1.990 krónur.

„Fastakúnnar hér eru margir sem komu áður á La Luna á Rauðarárstíg en svo eru líka smám saman að safnast upp fleiri fastakúnnar hér í hverfinu,“ segir Tolli en sem fyrr segir kemur margt fjölskyldufólk á staðinn í kvöldmat.
La Luna hefur orð á sér fyrir gæðamatreiðslu og góða þjónustu enda er eigandinn enginn nýgræðingur í bransanum.

Hann var eigandi Eldsmiðjunnar frá 1994 til 2007 og eigandi Reykjavík Pizza Company frá 2005 til 2007. Tolli er því einn af brautryðjendunum í pítsugerð á Íslandi og sem fyrr segir var hann fyrstu til að bjóða upp á súrdeigspítsur.
La Luna pizzeria-steakhouse er opinn virka daga frá kl. 11.30 til 21.30. Á laugardögum er opið frá 12.00 til 21.30 og á sunnudögum frá 17.00 til 21.30. Símanúmer er 577-3838.