Ferskur fiskur og mikið úrval af fiskréttum

Fiskbúðin Sundlaugavegi 12

Mynd: Þormar Vignir Gunnarsson

Fiskbúðin Sundlaugavegi 12 er ein elsta fiskbúðin á höfuðborgarsvæðinu en frá 1947 hefur verið fiskbúð í þessu húsnæði. Högni Snær Hauksson sér um rekstur búðarinnar á Sundlaugavegi og hefur starfað þar í sex ár. „Við erum með ferskan fisk daglega og mikið úrval af fiskréttum,“ segir Högni.

Bjóða upp á humarsúpu, plokkfisk og fiskibollur

„Við leggjum mikið upp úr að bjóða aðeins upp á ferskt hráefni og mikið úrval,“ segir Högni. „Það er líka gaman að segja frá því að við búum til okkar eigin humarsúpu á staðnum, plokkfisk og fiskibollur. Þegar kemur að plokkfisknum og bollunum þá notum við uppskriftir sem eru frá 1986 og hafa fylgt Fiskbúðinni Sundlaugavegi síðan þá,“ bætir hann við. „Þar af leiðandi hefur myndast hefð sem við ætlum okkur að halda við,“ segir hann.

Mynd: Þormar Vignir Gunnarsson

Tilbúnir fiskréttir

„Við bjóðum upp á fjölbreytta fiskrétti sem eru tilbúnir og þægilegir til eldunar,“ segir Högni. „Það ætti því að vera auðvelt fyrir alla að finna eitthvað við sitt hæfi. Auk þess er úrvalið af fiski yfirhöfuð mjög gott hjá okkur. Sem dæmi má nefna reykta ýsu, gellur, kinnar, þorsk, keilu, steinbít, lax, bleikju og margt fleira,“ segir Högni.

Mynd: Þormar Vignir Gunnarsson

Opið er mánudaga til fimmtudaga frá kl. kl. 09.00 til 18.30, föstudaga kl. 09.00 til 18.00 og laugardaga frá kl. 11.00 til 14.00. Högni sér til þess að Facebook-síða verslunarinnar er mjög virk og geta viðskiptavinir nálgast upplýsingar um ýmiss konar tilboð sem eru í gangi hverju sinni sem og um úrval fiskverslunarinnar.

Mynd: Þormar Vignir Gunnarsson
Mynd: Þormar Vignir Gunnarsson
Mynd: Þormar Vignir Gunnarsson
Mynd: Þormar Vignir Gunnarsson
Mynd: Þormar Vignir Gunnarsson

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.