Hollustan heldur innreið sína í Grensásinn

Bændur í bænum fluttir á Grensásveg 10

Mynd: DV ehf / Sigtryggur Ari

Þau tíðindi hafa orðið að lífræni matvörumarkaðurinn „Bændur í bænum“ hefur flutt frá Nethyl 2c yfir á Grensásveg 10, í húsnæði gömlu EJS-búðarinnar. Gunnar Örn Þórðarson hjá „Bændum í bænum“ er afar ánægður með þessa breytingu:

„Ég held að það sé gott að fá aukna hollustu hingað í hverfið og að hún falli vel inn í þá fjölbreyttu starfsemi sem hér er að finna. Slagorðið okkar er Borðaðu þér til bóta og það er í fullu gildi hér á Grensásnum. Við leggjum áherslu á ferska, heilnæma matvöru og liggur metnaður okkar í því að hafa alltaf ferskustu vörurnar á boðstólum. Núna liggur fyrir að auka vöruúrvalið, bæta við hreinlætisvörum og öðru sem okkur hefur þótt vanta í vöruúrvalið. En allt skal vera lífrænt og umhverfisvænt.

Mynd: DV ehf / Sigtryggur Ari

Bændur í bænum er alvöru bændamarkaður. Við rekum einnig Garðyrkjustöðina Akur og sjáum því um vörunar okkar, allt frá því þeim er sáð þar til við afhendum þær yfir búðarborðið. Því erum við mjög stolt af. Aðrar vörur koma síðan frá öðrum lífrænum framleiðendum sem við erum í góðum tengslum við.

Við seljum aðeins vörur sem standast okkar kröfur um lífræna framleiðslu, heiðarleika, gegnsæi og rekjanleika í viðskiptum. Við flytjum inn ávexti frá Eosta í Hollandi sem á vörumerkið Nature & more, og þurrvöru frá Saltå kvarn í Svíþjóð. Viðskiptavinir geta spurt um hvaðeina sem snertir vörurnar, framleiðslu, flutning og matseldina. Hér er mikil sérþekking til staðar og oft eru framleiðendurnir sjálfir á staðnum.

Við erum með mjólkurafurðir frá Biobú, útigrænmeti frá Hæðarenda og grænmeti og ost frá Skaftholti. Brekkulækur sér okkur fyrir lamba- og nautakjöti og Litla gula hænan sér okkur fyrir velferðarkjúklingi. Einnig erum við með hráfæðiskökur frá organic.is og þurrvörur frá Kaja Organic, svo fátt eitt sé nefnt.“

Mynd: DV ehf / Sigtryggur Ari

Besta leiðin til að kynna sér úrvalið er að koma í verslunina að Grensásvegi 10 en hún er opin virka daga frá kl. 11 til 18.15. Einnig er áhugavert og gagnlegt að skoða netverslunina á slóðinni baenduribaenum.is.

Mynd: DV ehf / Sigtryggur Ari
Mynd: DV ehf / Sigtryggur Ari
Mynd: DV ehf / Sigtryggur Ari
Mynd: DV ehf / Sigtryggur Ari
Mynd: DV ehf / Sigtryggur Ari
Mynd: DV ehf / Sigtryggur Ari

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.