Ljósmyndastofan Nærmynd kynnir:
Ljósmyndastofan Nærmynd er um þessar mundir að búa sig undir fermingartímabilið sem kemur með vorinu eins og farfuglarnir. „Hér áður fyrr var oftast myndað á fermingardeginum og við hjónin tókum kannski á móti 20 fermingarbörnum á einum sunnudegi. Þá var þetta heilmikil vertíð og maður gekk hratt og talaði hátt. Nú er öldin önnur sem betur fer. Myndatökurnar eru afslappaðri og oft á virkum dögum. Við gefum okkur að sama skapi meiri tíma til að finna út hvað við viljum gera. Krakkarnir hafa fullt af hugmyndum sem er virkilega gaman að vinna með. Svo förum við gjarnan út og tökum nokkrar myndir. Það er um að gera láta sér detta eitthvað í hug og kýla á það,“ segir Guðmundur Kr. Jóhannesson, eigandi ljósmyndastofunnar Nærmynd.
„Ég hef lagt áherslu á að fjölskyldan sé alltaf velkomin með í myndatökuna. Það er svo ómetanlegt að hafa ömmu og afa með líka. Fólk áttar sig oft ekki á mikilvægi þess fyrr en það sér myndirnar en segja má að fermingar séu staður og stund til að skrásetja fjölskyldusöguna. Mynd sem ekki er tekin, er ekki til. Og falleg mynd er ekki dýr. Hún er ómetanleg,“ segir Guðmundur.
Verðskráin er einföld.
Myndataka með 12 myndum 13×18 cm. kostar 44.000 krónur. Myndirnar eru sendar á lokaða slóð sem þú opnar með lykilorði þar sem þú velur myndirnar. Veljir þú fleiri mismunandi kostar hver mynd 2.000 krónur. Myndirnar sem þú pantar og greiðir fyrir færð þú á tölvutæku formi í góðri upplausn og getur notað að vild.
Nærmynd er staðsett að Laugavegi 178, Bolholtsmegin, Reykjavík.
Sími: 568-9220.
Email: naermynd@naermynd.is.
Fleiri myndir má sjá á ljósmyndaalbúmi Nærmyndar og upplýsingar má finna á Facebook-síðunni.
