Bed & Breakfast Keflavík Airport opnar nýtt og glæsilegt hótel í byrjun mars sem staðsett verður í byggingu við hliðina á núverandi hóteli fyrirtækisins, að Ásbrú í Reykjanesbæ. Nú þegar er hægt að bóka herbergi á nýja hótelinu. Þar er frábær aðstaða og herbergi afar rúmgóð, um 33 fermetrar. Sama verð og sama þjónusta verður til staðar á nýja glæsilega hótelinu og verið hefur á Bed & Breakfast hingað til, ferðamönnum til mikilla þæginda og ánægju.

Bed & Breakfast er í aðeins 7 mínútna akstursfjarlægð frá Keflavíkurflugvelli og því kjörið að gista þar fyrir flug og ná rólegum og afslöppuðum morgni fyrir ferðalagið. Bed & Breakfast býður upp á að gestum sé ekið á flugvöllinn fyrir brottför og þeir sóttir við heimkomu, en bíllinn er geymdur á meðan dvöl erlendis stendur. Boðið er upp á veglegan morgunverð snemma að morgni og því ná allir gestir að næra sig vel fyrir brottför. Öll þjónusta er innifalin í einu verði.

Að sögn eigenda Bed & Breakfast færist mjög í vöxt að Íslendingar nýti sér þennan möguleika enda afskaplega þægilegt að lengja fríið með þessum hætti og eiga notalega og afslappandi nótt fyrir ferðina út.

Til að bóka gistingu á Bed &Breakfast er hringt í síma 426 5000 eða sendur tölvupóstur á netfangið booking@bbkefairport.is.

Afsláttur af gistingu og önnur fríðindi

Fastakúnnum hjá Bed & Breakfast hefur fjölgað mikið og til að gera betur við viðskiptavini var stofnaður fríðindaklúbbur í fyrra. Þeir sem skrá sig í klúbbinn fá 12% afslátt af gistingu ef herbergi er pantað símleiðis eða með tölvupósti. Fastur 10% afsláttur er af drykkjum í móttöku og ef gist er í fimm nætur er sjötta nóttin án endurgjalds. Klúbburinn veitir jafnframt möguleika á að skrá sig úr herbergi seinna en á hádegi ef aðstæður leyfa. Ennfremur veitir aðildin afslátt á veitingastöðum og af annarri afþreyingu á Suðurnesjum. Smelltu hér til að skrá þig í Bed & Breakfast klúbbinn.

Ávinningur af því að gista á Bed&Breakfast:
Frábær gististaður fyrir flug
Lengir fríið um eina nótt
7 mín. frá Keflavíkurflugvelli
Geymsla á bíl innifalin
Morgunverður innifalinn
Skutlað og sótt út á flugvöll
Allt innifalið í einu verði
Nýtt og glæsilegt hótel: 33 fm herbergi og frábær aðstaða í miðrými, bar og setustofa þar sem fólk getur slappað af kvöldið fyrir flug