Það er engin tilviljun að Hjá Jobba er elsta starfandi bónstöð landsins

Bónstöðvar koma og fara en bónstöðin Hjá Jobba hefur verið starfandi síðan árið 1986 og átti því þrítugsafmæli í fyrra. Hvernig er slíkt hægt þegar meðalaldur í bransanum er 2–3 ár? Svarið er: Gæði, lágt verð og ánægðir viðskiptavinir. Þeir sem fara með bílinn sinn til Jobba vita að þeir munu fá toppþjónustu. Bónstöðin vex enn og dafnar og er núna elsta starfandi bónstöð landsins.

Reynsla Jobba í bransanum nær reyndar enn lengra aftur í tímann en hann starfaði hjá Sveini Egilssyni frá árinu 1982 og stýrði deild sem sá um standsetningu, skráningu og þrif á nýjum bílum. Hann hefur síðan verið sjálfstætt starfandi frá árinu 1986.

Helstu þjónustuþættir sem í boði eru hjá Jobba eru eftirtaldir: Alþrif, þrif að innan, þrif að utan og bónun, teflonbónun, djúphreinsun teppa og sæta, tjöruþvottur, vélarþvottur, ryksugun, lakkmössun, blettun og lakkviðgerðir, og ýmislegt fleira. Ítarlegar upplýsingar um þjónustuliðina er að finna á vefsíðunni hjajobba.is. Þar eru einnig greinargóðar upplýsingar um verð.

Fólksbílar almennings eru vitanlega algengustu verkefni Jobba en stöðin tekur líka meðal annars að sér hreinsun og bónun á rútum, flutningabílum og öðrum vinnutækjum.

Enn fremur þrífur Jobbi og bónar bíla fyrir Suzuki bíla ehf. og fleiri þekkt fyrirtæki.

Hjá Jobba er staðsett í Skeifunni 17. Stöðin er opin virka daga frá kl. 9 til 17.30 nema föstudaga er opið til kl. 17. Tímapantanir eru í síma 568-0230. Þá er einnig tilvalið að senda töluvpóst á netfangið hjajobba@simnet.is ef þú vilt bætast í hóp ört vaxandi og ánægðra viðskiptavina stöðvarinnar. Því eins og Jobbi segir: „Við gerum gott betra.“
Heimasíða er, sem fyrr segir: hjajobba.is.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.