Er gamla æðardúnssængin þín orðin slitin?

Morgunroði ehf. – sími 893-2928

Fólki þykir eðlilega vænt um æðardúnssængurnar sínar enda afskaplega notalegt að sofa með slíkar ábreiður ofan á sér. En æðardúnssængur slitna eins og aðrir veraldlegir hlutir og stundum fara þær að leka að auki og æðardúnninn getur verið orðið óhreinn. Margir vita ekki að hér á landi er hægt að fá þá þjónustu að fá gömlu slitnu æðardúnssængurnar sínar góðar á ný. Dóróthea Guðrún Sigvaldadóttir rekur fyrirtækið Morgunroða, sem staðsett er við Borgarnes, og þar er meðal annars boðið upp á þá þjónustu að koma með slitnar æðardúnssængur. Æðardúnninn er þá þveginn og settur í nýtt ver og fólk fær til baka mjúka, slétta og fallega æðardúnssæng.

„Við þvoum æðardúninn, skiptum um dúnver á gömlum æðardúnssængum og setjum nýjan æðardún í dúnver. Einnig seljum við nýjar æðardúnssængur og merkjum æðardúnssængur,“ segir Dóróthea.

Fyrir utan þessa þjónustu við sængureigendur sinnir Morgunroði öllum æðardúnþvotti fyrir fyrirtækið RR Dúnhreinsun í Borgarnesi. Dóróthea fær þá æðardúninn til sín grófhreinsaðan og skilar honum hreinum til baka svo hann er tilbúinn í framleiðsluvörur, sængur eða annað. Dúnþvotturinn er þar í vissum skilningi hluti af framleiðsluferlinu.

Enn fremur sinnir Morgunroði dúnþvotti fyrir einstaklinga sem hafa dúntekju og þurfa að láta þvo dúninn sinn. Margt dúntekjufólk veit ekki af þessari þjónustu en hún getur komið sér afar vel.

Til að kynna sér og nýta sér þjónustu Morgunroða ehf. er best að hafa samband í síma 893-2928.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.