Útsýnisflug: Stórkostleg upplifun í jólagjöf

Circleair.is

Mynd: Helga Kvam

Fyrirtækið Circleair hefur undanfarið ár boðið upp á útsýnisflug frá Akureyri og Reykjavík þar sem flogið er yfir margar af helstu náttúruperlum landsins. Slíkt útsýnisflug er mögnuð upplifun og nýtur þessi afþreying sífellt meiri vinsælda.

„Farþegar skemmtiferðaskipa og aðrir erlendir ferðamenn hafa mikið sótt í þessar ferðir en undanfarið hafa Íslendingar farið að sýna þessu miklu meiri áhuga. Þar spilar ekki síst inn í að þetta er ódýrara en marga grunaði. Verðið er engan veginn óviðráðanlegt,“ segir Þorvaldur Lúðvík Sigurjónsson hjá Circleair.

Mynd: Helga Kvam

Að sögn hans nýtur útsýnisflugið vaxandi vinsælda sem gjafavara: „Fólk er oft að gefa foreldrum sínum upplifun á stórafmælum og jólum í stað þess að kaupa enn einn kökuplattann eða eitthvað þess háttar – og þar koma þessar ferðir sterkar inn.“

Að sögn Þorvaldar eru ýmsar ferðir í boði frá Reykjavík og Akureyri, en tveir túrar vinsælastir: „Annars vegar langur túr frá Reykjavík, þar sem lent er á Skógasandi eða í Vestmannaeyjum og farið yfir eldfjallastöðvar og alla sandana,“ segir hann, en ferðir frá Akureyri eru ekki síður stórfenglegar: „Fyrir norðan er Demantshringurinn vinsælastur. Þá förum við yfir Goðafoss, Dettifoss, Ásbyrgi, Jökulsárgljúfrin, Mývatn og allt þetta, að ógleymdri Grímseyjarferðinni okkar.“

Mynd: Helga Kvam

Ferðirnar eru á verðbilinu 44.000 til 55.000 en í desember er hins vegar 20% afsláttur af öllum ferðum sem dregst þá frá þessu verði.

Til að kaupa gjafabréf hjá Circleair er gott að hringja í síma 588-4000, senda tölvupóst á circleair@circleair.is eða ganga frá málinu á heimasíðunni circleair.is.

Mynd: Helga Kvam
Mynd: Helga Kvam
Mynd: Helga Kvam
Mynd: Helga Kvam

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.