Skreytingarefni fyrir öll tækifæri: Tilvalið fyrir þá sem vilja útbúa fallegar skreytingar

Skreytum.is

„Mér fannst vanta vefverslun á þessum vettvangi, ekki síst fyrir þá sem búa úti á landi, fólk sem á erfitt með að komast í verslanir á höfuðborgarsvæðinu sem margar hverjar eru ekki með vefverslun. Þetta er hugsað fyrir fólk sem er að undirbúa brúðkaups-, fermingar-, skírnar- eða afmælisveislur, eða langar einfaldlega til að skreyta heimilið sitt,“ segir Elín Heiða Þorsteinsdóttir, eigandi vefverslunarinnar Skreytum.is. Á Skreytum.is er mikið úrval af alls konar skreytingarvörum í margvíslegum litum, efni sem hentar vel fyrir þá sem vilja skreyta sjálfir og láta sköpunargleðina njóta sín.

„Ég byrjaði á þessum fyrir rúmum tveimur árum þegar ég var í fæðingarorlofi og síðan hefur þetta vaxið hægt og rólega. Vörurnar koma flestar frá Bandaríkjunum og Kína. Þegar ég tek inn nýjar vörur, panta ég lítið í einu og sé hvernig mér líkar þær og hvernig gengur að selja þær. Ef mér og kúnnunum mínum líst vel á, þá panta ég meira. Ég miða við það sem mér finnst fallegt og ég gæti hugsað mér að nota, ásamt því sem ég held að öðrum þyki fallegt – oft fer þetta vel saman,“ segir Elín.

Sem fyrr segir eru vörurnar ætlaðar þeim sem vilja skreyta sjálfir og möguleikarnir eru ótæmandi. En ef fólk vantar hugmyndir veitir Elín ráðgjöf með glöðu geði. Núna eru margir farnir að huga að skreytingum fyrir jólin. Þó að ekki sé eiginlegt jólaskraut til sölu hjá Skreytum.is er hægt að útbúa fallegar jólaskreytingar úr því sem þar fæst, því það er þess eðlis að það er hægt að nota það við hvaða tilefni sem er. Til dæmis eru til sölu afar smekklegar litlar ljósaseríur sem geta hvort sem er orðið rómantískar eða jólalegar, allt eftir litavali og samsetningu. Marglitar gelkúlur, glimmerlímborðar og stjörnur og hjörtu eru líka dæmi um hluti sem fara vel í jólaskreytingar eða aðrar skreytingar – allt eftir því hvað hentar og hvernig þetta er sett saman.

Fyrir áhugasama er ekki eftir neinu að bíða – farið inn á skreytum.is, skoðið úrval, verð og aðrar upplýsingar, og kaupið skreytingarvörurnar sem ykkur hentar. Heimsending um land allt.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.