Sambönd geta verið erfið, sérstaklega ef annar aðilinn heldur fram hjá. Framhjáhald eyðileggur traust á milli maka og er skaðvaldur margra sambanda.

Alls konar fólk heldur fram hjá en það eru þrjár týpur af fólki sem er líklegara til að halda fram hjá: Fólk yfir fertugt, fólk sem gifti sig snemma og fólk með íhaldssaman trúarbakgrunn.

Það er einnig misjafnt eftir dögum hvenær fólk er líklegra til að halda fram hjá maka sínum. Föstudagurinn 17. nóvember næstkomandi er vinsælasti dagur ársins til að halda fram hjá samkvæmt niðurstöðum könnunar vefsíðunnar Illicit Encounters. Á vefsíðunni leitar fólk sem vill halda fram hjá maka sínum að viðhaldi.

Það tóku 500 manns þátt í könnuninni og hafa allir sem tóku þátt haldið fram hjá maka sínum. Niðurstöður sýna að næstum 80 prósent þátttakenda eru með plön til að hitta þann sem þau eru að halda fram hjá með næsta föstudag.

Illicit Encounters telur að ástæðan fyrir vinsældum næstkomandi föstudags vera að þetta sé síðasta tækifærið til að fara á brott með viðhaldinu yfir helgi áður en jólatörnin byrjar.

Í byrjun vikunnar var 30 prósent meiri umferð á síðunni heldur en á sama tíma í fyrra.

„Frá jólagjafainnkaupum til matarboða með tengdafólkinu, jólin eru án efa einn af erfiðustu tímunum fyrir fólk sem heldur fram hjá,“ segir talsmaður síðunnar, Christian Grant.

„Þannig ef maki þinn er að vera hæglátur um plönin sín þessa helgi, þá gæti verið besta að ýta á hann og komast að því hvað hann er í raun og veru að fara að gera.“