Meira afl og minni eyðsla með tölvustýrðri vélarstillingu

Kraftkort

Þessi 2017 Land Rover Discovery Sport fékk aflaukningu og fór úr 148 hestöflum í 178 hestöfl, togið fór úr 380 nm í 440 nm.
Þessi 2017 Land Rover Discovery Sport fékk aflaukningu og fór úr 148 hestöflum í 178 hestöfl, togið fór úr 380 nm í 440 nm.

Það er merkileg staðreynd að hægt er að auka kraftinn í bílnum og spara eldsneyti með því að uppfæra gögn í tölvubúnaði. Vélar í nútímabílum nota tölvukerfi við stjórnun vélarinnar. Fjölmargir skynjarar nema aðstæður og mata vélartölvu bílsins með upplýsingum sem síðan eru notaðar til að stjórna hegðun vélarinnar. Þessir skynjarar mæla t.d. lofthita úti, lofthita í soggrein vélarinnar, vatnshita vélarinnar, stöðu inngjafar, snúningshraða vélar og fjölda annarra þátta sem nauðsynlegir eru til að beita vélinni sem best við viðkomandi aðstæður.

Fyrirtækið Kraftkort, sem er að Súlunesi 10 í Garðabæ, hefur veitt fjölmörgum bílum aukið afl og dregið úr eldsneytisnotkun þeirra með þessari nútímalegu vélastillingu. Guðmundur Rögnvaldsson, sem rekur fyrirtækið ásamt Ragnari Má Sigrúnarsyni, útskýrir aðferðina svo í stuttu máli:

Þessi 2015 BMW F31 320d fékk aflaukningu og fór úr 181 hestafli í 226 hestöfl og togið fór úr 380 nm í 450 nm. Einnig má reikna með að eyðsla fari niður um allt að 10%.
Þessi 2015 BMW F31 320d fékk aflaukningu og fór úr 181 hestafli í 226 hestöfl og togið fór úr 380 nm í 450 nm. Einnig má reikna með að eyðsla fari niður um allt að 10%.

„Þetta snýst um það að við lesum bíltölvuna og erum í samstarfi við breskt fyrirtæki sem heitir Viezu Technologies og er einn stærsti aðilinn á þessu sviði. Við sendum þeim skrána sem er á vélartölvunni í bílnum. Þeir senda okkur nýja skrá með breyttum stillingum sem við keyrum inn á tölvuna. Forritunin sjálf á sér stað hjá þeim en ekki okkur.“

Öll forritin eru prófuð á dyno-bekkjum hjá Viezu til að sannreyna tölurnar sem gefnar eru upp fyrir hvern bíl.

Eins og áður segir stuðlar endurforritunin bæði að auknu afli og meiri sparneytni: „Ef við tökum dísilbíla, þá getum við fengið bæði svokallað Performance Map sem lýtur meira að aflaukningu ásamt því að minnka eldsneytisnotkun, og Eco Map, sem veldur minni aflaukningu en meiri eldsneytissparnaði og dregur úr mengun frá bílnum,“ segir Guðmundur.

Einnig er hægt að endurforrita vélatölvur í bensínbílum en fyrir þá er eingöngu til Performance Map. Með auknu afli erfiðar vélin hins vegar minna og því minnkar eyðsla með sama aksturslagi.

Guðmundur tók við starfsemi Kraftkorts í vor en að hans sögn hefur verið boðið upp á þessa þjónustu í nokkur ár. Sem nærri má geta hefur þjónustan þróast í gegnum árin:
„Bílar eru auðvitað ekki eins og þeir voru fyrir nokkrum árum, það er alltaf að koma eitthvað nýtt og hægt að gera fleira.“

Þessi 2012 Man TGS 35.440 fékk aflaukningu og fór úr 440 hestöflum í 510 hestöfl, togið fór úr 2100 nm í 2450 nm, einnig má reikna með að eyðsla fari niður um allt að 13%.
Þessi 2012 Man TGS 35.440 fékk aflaukningu og fór úr 440 hestöflum í 510 hestöfl, togið fór úr 2100 nm í 2450 nm, einnig má reikna með að eyðsla fari niður um allt að 13%.

Hér með greininni fylgja nokkur dæmi um bíla sem hafa öðlast endurbætt líf, ef svo má segja, eftir tölvustýrða vélastillingu hjá Kraftkorti.

Sem fyrr segir er fyrirtækið staðsett að Súlunesi 10 í Garðabæ. Heimasíða er kraftkort.net og Facebook-síða www.facebook.com/kraftkortgr. Símanúmer er 857-0210. Hægt er að panta þjónustu eða fá frekari upplýsingar með því að hringja eða senda skilaboð á Facebook-síðunni. Jafnframt er áhugavert að skoða heimasíðu Viezu Technologies, viezu.com.

Þessi 2017 Land Rover Discovery Sport fékk aflaukningu og fór úr 148 hestöflum í 178 hestöfl, togið fór úr 380 nm í 440 nm.
Þessi 2015 BMW F31 320d fékk aflaukningu og fór úr 181 hestafli í 226 hestöfl og togið fór úr 380 nm í 450 nm. Einnig má reikna með að eyðsla fari niður um allt að 10%.
Þessi 2012 Man TGS 35.440 fékk aflaukningu og fór úr 440 hestöflum í 510 hestöfl, togið fór úr 2100 nm í 2450 nm, einnig má reikna með að eyðsla fari niður um allt að 13%.
Þessi 2008 Mercedes Benz Axor 1824 fékk aflaukningu og fór úr 231 hestafli í 261 hestafl, togið fór úr 810 nm í 870 nm, einnig hefur eyðslan farið niður um 15%.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.