fbpx
Miðvikudagur 12.desember 2018
FókusLífsstíll

Gáfaðir líklegri til að þjást af geðsjúkdómum

Einar Þór Sigurðsson
Miðvikudaginn 25. október 2017 21:30

Ef þú þjáist af geðsjúkdómi eru líkur á að þú sért gáfaðri en meðalmaðurinn. Þetta er samkvæmt niðurstöðum rannsóknar sem framkvæmd var á tæplega fjögur þúsund meðlimum Mensa.

Mensa er félagsskapur fólks með háa greindarvísitölu, en viðmiðin eru þau að meðlimir þurfi að hafa greindarvísitölu upp á 130 eða meira. Talið er að tvö prósent mannkyns geti fallið undir skilgreiningu Mensa á afburðagreind.

Í rannsókninni var geðheilsa tæplega fjögur þúsund meðlima skoðuð, en eftir því sem einstaklingar voru með hærri greindarvísitölu þeim mun líklegri voru þeir til að vera með ofurnæman heila (e. hyperexcitable brain).

Þetta þýðir að heilinn er mjög meðvitaður um það sem er í gangi í kringum hann sem aftur gerir það að verkum að miðtaugakerfið verður næmara fyrir hverskonar áreiti. Birtingarmyndir þessa geta til dæmis verið að bregða ótæpilega eða bregðast harkalega við gagnrýni. Þetta getur valdið líkamlegum viðbrögðum eins og kvíða og mikill kvíði getur síðan leitt til þunglyndis.

Nicole Tetreault, einn þeirra vísindamanna sem stóð fyrir rannsókninni, segir að þeir sem eru ofurnæmir séu í meiri hættu en aðrir að þjást af geðsjúkdómum. Miðtaugakerfi þessara einstaklinga sé í raun ávallt í viðbragðsstöðu sem leiðir til breytinga á starfsemi heilans.

Alls tóku 3.715 meðlimir Mensa þátt í rannsókninni og þeir spurðir út í andlega heilsu, allt frá því hvort þeir glímdu við kvíða, þunglyndi, athyglisbrest eða ofvirkni svo dæmi séu tekin. Svör þeirra voru svo borin saman við hinn venjulega borgara, Bandaríkjamenn í þessu tilviki, sem ekki tilheyrir félagsskap Mensa.
Niðurstaðan var á þá leið að meðlimir Mensa voru líklegri en aðrir til að þjást af andlegum veikindum en aðrir; þannig höfðu 10 prósent almennings greinst með kvíða samanborið við 20 prósent meðlima Mensa.

Einar Þór Sigurðsson
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Lífsstíll
Fyrir 2 dögum

Sumac: Notaleg og suðræn stemning á aðventunni

Sumac: Notaleg og suðræn stemning á aðventunni
Lífsstíll
Fyrir 2 dögum

Söngsteypan hjálpar fólki að fylgja hjartanu

Söngsteypan hjálpar fólki að fylgja hjartanu
Lífsstíll
Fyrir 3 dögum

Ungbarnasund og „old boys“ líkamsrækt

Ungbarnasund og „old boys“ líkamsrækt
Lífsstíll
Fyrir 3 dögum

Badminton: Ástsæl íþrótt fyrir unga sem aldna

Badminton: Ástsæl íþrótt fyrir unga sem aldna
Lífsstíll
Fyrir 4 dögum

Taflfélag Reykjavíkur: Holl æfing fyrir hugann

Taflfélag Reykjavíkur: Holl æfing fyrir hugann
Lífsstíll
Fyrir 4 dögum

Stóra spurningabókin: Spurningar sem henta öllum aldurshópum

Stóra spurningabókin: Spurningar sem henta öllum aldurshópum
Lífsstíll
Fyrir 4 dögum

Kraftlyftingar eru vinsæl og holl íþrótt

Kraftlyftingar eru vinsæl og holl íþrótt
Lífsstíll
Fyrir 6 dögum

Jólabók í skóinn

Jólabók í skóinn
Lífsstíll
Fyrir 6 dögum

Nýjung í fartölvum frá Asus – aukaskjár sem stýrir aðgerðum

Nýjung í fartölvum frá Asus – aukaskjár sem stýrir aðgerðum