Fimm dýrustu einbýlishúsin á höfuðborgarsvæðinu

Sjáðu myndirnar

Hér á landi er enginn skortur á stórglæsilegum einbýlishúsum en fasteignaverðið er mjög hátt og ekki fyrir hvern sem er að verða sér úti um slíka eign. Hér birtum við fimm dýrustu einbýlishúsin á höfuðborgarsvæðin. Þau eru öll að finna í Reykjavík og öll nema eitt í miðborg Reykjavíkur.

Bergstaðastræti 81, 101 Reykjavík - 230 milljónir

Hér eru tíu herbergi í einbýlishúsi á 404 fermetra eign við Bergstaðastræti 81 í miðborg Reykjavíkur. Húsið er á þremur hæðum, kjallari, aðalhæð, ris og stendur á sérlega fallegri lóð. Húsið er virðulegt og franskir gluggar setja á það mjög fallegan svip. Það var byggt árið 1945 og síðan breytt og stækkað verulega árið 1975. Hægt er að lesa nánar um eignina hér.

Ránargata 18, 101 Reykjavík - 195 milljónir

Hér er á ferðinni glæsilegt einbýlishús sem skiptist í þrjár hæðir auk rislofts við Ránargötu 18 sem er á horni Ránargötu og Ægisgötu. Húsið er íslensk steinsteypuklassík reist árið 1927. Húsið hefur verið nýtt sem skrifstofuhúsnæði í 70 ár en hentar einnig sem einbýlishús eða fleiri íbúðir. Það eru átta herbergi, þrjú baðherbergi og þrír inngangar í húsinu. Hægt er að lesa nánar um eignina hér.

Sjafnargata 14, 101 Reykjavík - 195 miljónir

Um er að ræða fallegt og reisulegt 384 fermetra einbýlishús með bílskúr við Sjafnargötu í Reykjavík. Húsið er staðsett neðan við götu með fallegu útsýni í átt að Reykjavíkurflugvelli. Húsið var byggt árið 1930 og eru 11 herbergi á þremur hæðum. Eignin var endurgerð árið 2013. Hægt er að lesa nánar um eignina hér.

Laufásvegur 43, 101 Reykjavík - 169 milljónir

Þetta hús er þrír matshlutar, þrjár íbúðir og allar með sér inngangi. Hægt er að breyta nýtingu hússins í einbýlishús. Jarðhæðin er 76,9 fermetrar, miðhæðin er 101,7 fermetrar og rishæðin er 81,1 fermetrar. Húsið var byggt 1903. Það er endurnýjað og að hluta til nýtt hús. Borgarstjórinn í Reykjavík veitti þessu húsi viðurkenningu árið 2005 vegna vel gerðra endurbóta. Hægt er að lesa nánar um eignina hér.

Laugarásvegur 44, 104 Reykjavík - 159 milljónir

Stórglæsilegt 320 fermetra einbýlishús á tveimur hæðum á frábærum stað við Laugardalinn í Reykjavík. Eigin hefur öll verið endurnýjuð hið inra og ytra nýlega. Lóðin er 842 fermetrar að stærð. Hægt er að lesa nánar um eignina hér.

Mynd: Jonatan Gretarsson

Mynd: Jonatan Gretarsson

Mynd: Jonatan Gretarsson

Mynd: Jonatan Gretarsson

Mynd: Jonatan Gretarsson

Mynd: Jonatan Gretarsson

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.