Snyrtimiðstöðin, elsta snyrtistofan á Íslandi
Snyrtimiðstöðin, fótaaðgerða-, snyrti- og nuddstofa er líklega elsta snyrtistofan á Íslandi í dag sem hefur alltaf verið með sama eiganda. „Upphaflega kallaði ég stofuna Fegrun, en nú heitir fyrirtækið Snyrtimiðstöð enda starfsemin orðin fjölbreyttari,“ segir Rósa sem stofnaði stofuna árið 1979 og hefur rekið hana með góðum árangri til dagsins í dag. Að jafnaði starfa hjá Snyrtimiðstöðinni 5-7 snyrtifræðingar og fótaaðgerðafræðingar, allt frá nýútskrifuðum nemum upp í sannkallaða reynslubolta. „Ásamt mér starfa hér til dæmis þrír gríðarlega færir snyrtimeistarar og fótaaðgerðafræðingar. Við erum með samanlagða um 100 ára reynslu,“ segir Rósa. Snyrtifræðingar Snyrtimiðstöðvarinnar nota Academie húðvörur, NEE förðunarvörur, Essie nagalökk og Real Techniques förðunarbursta.
Fótaaðgerðir eru lögvernduð heilbrigðisstétt. „Hér á Snyrtimiðstöðinni erum við með mjög færa löggilda fótaaðgerðarfræðinga,” segir Rósa, en fótaaðgerðafræðingar eru þeir einu sem mega meðhöndla fætur skjólstæðinga sinna með eggjárnum s.s. hnífa (fyrir utan lækna). Fótaaðgerðafræðingar eru með sérstaka heilbrigðistryggingu sem allir heilbrigðisstarfsmenn verða að hafa og eru undir ströngu heilbrigðiseftirliti.
Á Snyrtimiðstöðinni eru í boði fjöldi meðferða. Meðal annars starfa á Snyrtistofunni færir tattú-sérfræðingar sem hafa fengið stafsleyfi frá heilbrigðisráðuneytinu.
Hægt er að fá heilar eða part inn í brúnir, t.d. þar sem vantar eða eru fá hár. Setjum bæði skugga fyrir þær sem það vilja en vinsælast er að teikna hár HAIRSTROKE bæði með vél en einnig MICRO-BLADING sem er handgert. Þá eru hárin mun fínni. Þetta er hægt að gera þó engin hár séu eða setja inn á milli í gisnar brúnir. Meðferðin kemur fallega út og sést jafnvel ekki að hárin séu teiknuð.
Húðflúr í kringum augu (eyeliner) ýmist bæði á augnlok og eða undir augu. Ýmist grannar eða þykkar línur, neðri línan er oft höfð hálfa leið og látin fjara út.
Húðflúr á varir, varalína og eða breikkun á vörum. Einnig er hægt að heillita varir.
Hægt er að lagfæra ýmis lýti með húðflúri t.d. setja lit í ör, sem eru of hvít eða lita nýja geirvörtu (í stað húðflutninga) fyrir konur með uppbyggð brjóst.
Allar meðferðirnar eru gerðar í samráði við viðskiptavin bæði um litaval og lögun.
Við erum með mjög góð deyfikrem og eru þetta því tiltölulega þægilegar og sársaukalitlar meðferðir. Microblading húðflúrin fara grynnra í húðina en venjulegt tattú og endast að jafnaði í 2-5 ár, en auðvelt er að skerpa upp öll húðflúr.
Um er að ræða varanlega háreyðingu með Xenon-leifturljósi sem er örugg, sársaukalaus og fljótleg meðferð (svipað lazer). Vinnur best ef hár eru gróf, dökk og húð ljós. Hægt að nota nánast hvar sem er á líkamanum fyrir bæði konur og karla. „Við erum nýbúin að endurnýja IPL-ljóstæknitækið okkar. Þetta er að virka mjög vel fyrir margar,“ segir Rósa. Þetta virkar þannig að liturinn í hárinu dregur í sig hitann frá ljósinu. Hárið ber hitann niður í hársrót á aðeins sekúndubroti og veldur varanlegri eyðingu á hárfrumum í hársekk. Meðferðafjöldi er 6-10 skipti á 4-8 vikna fresti.
Snyrtimiðstöð er staðsett í Kringlunni 7, 103 Reykjavík.
Opnunartímar: Mánudaga – föstudaga kl. 8.00-18.00
Einungis er tekið á móti tímapöntunum og afbókunum í síma 588-1990.
Netfang: snyrti@snyrtimidstodin.is
Nánari upplýsingar má nálgast á vefsíðu Snyrtimiðstöðvarinnar eða á Facebook-síðunni.
